რუსეთმა აზერბაიჯანთან საზღვრის დემარკაციის კონკრეტული წინადადებები შემოგვთავაზა - ფაშინიანი
1637222041
„რუსეთის თავდაცვის სამინისტრომ აზერბაიჯანთან საზღვრის დელიმიტაციის და დემარკაციის კონკრეტული წინადადებები შემოგვთავაზა. ანუ ამ პროცესისთვის მოსამზადებელი ეტაპი უნდა ჩატარდეს“, - ამის შესახებ სომხეთის მთავრობის სხდომაზე პრემიერ-მინისტრმა ნიკო ფაშინიანმა განაცხადა. ინფორმაციას „არმენპრესი“ ავრცელებს.
„რუსეთის თავდაცვის სამინისტროს ეს წინადადებები ჩვენთვის სრულიად მისაღებია. საერთო ჯამში 2021 წლის მაისის შემდეგ რუსეთმა ამ მიმართულებით სამი ინიციატივა გამოთქვა“, - განაცხადა ფაშინიანმა.
სომხეთის პრემიერ-მინისტრმა თავდაცვის მინისტრს სურენ პაპიკიანს ამ წინადადებებზე მუშაობა დაავალა, რათა მათი განხორციელება მოხდეს.
