„რუსი სამხედროები და მესაზღვრეები თავიანთ საქმეს აკეთებენ“ - პესკოვი ბელგოროდზე თავდასხმასთან დაკავშირებით

რუსეთის პრეზიდენტის პრესმდივანი დმიტრი პესკოვი ბელგოროდის ოლქის გუბერნატორის ვიაჩესლავ გლადკოვის განცხადებას გამოეხმაურა იმის თაობაზე, რომ ბელგოროდის ოლქის გრაივორონის რაიონში დივერსიული და სადაზვერვო ჯგუფის თავდასხმის შემდეგ, ბევრი კითხვა ჩნდება რუსეთის თავდაცვის სამინისტროს მისამართით.

ბელგოროდის ოლქის გუბერნატორი აცხადებს, რომ რუსეთის თავდაცვის სამინისტროსთან კითხვები აქვს

ამის პასუხად, პესკოვი აცხადებს, რომ „სპეციალური სამხედრო ოპერაციის ფარგლებში ძალიან მძიმე სამუშაოები მიმდინარეობს“. 

„ამ სამუშაოების ფარგლებში მუდმივად იჩენს თავს ოპერატიული საკითხები, რომლებზეც ისმება კითხვები და რასაც ეცემა პასუხები. ეს ნორმალური სიტუაციაა“, - აღნიშნა მან. 

ბელგოროდზე თავდასხმასთან დაკავშირებით ჟურნალისტებთან საუბარში, პესკოვმა თქვა, რომ „რუსი სამხედროები და მესაზღვრეები თავის საქმეს აკეთებენ“.