🎥 რუსმა ოკუპანტებმა 24 წლის ქალი უკანონოდ დააკავეს

რუსმა ოკუპანტებმა 24 წლის ქრისტინე თაკალანძე უკანონოდ დააკავეს. 

თაკალანძის უკანონოდ დაკავების ფაქტი ახალი ამბების სააგენტო Pia.ge-ს სახელმწიფო უსაფრთხოების სამსახურში დაუდასტურეს. 

„ფაქტს ვადასტურებთ. უკანონოდ არის დაკავებული. გააქტიურებულია ცხელი ხაზი, ინფორმირებულია ევროკავშირის სადამკვირვებლო მისია და ჟენევის თანათავმჯდომარეები“, - აცხადებენ სახელმწიფო უსაფრთხოების სამსახურში. 

ოკუპირებული აფხაზეთის ე.წ. სახელმწიფო უსაფრთხოების სამსახურში აცხადებენ, რომ ქრისტინე თაკალანძე „სპეცსამსახურების ინტერესებით ნაკარნახევი მოტივით მოქმედებდა.“

„ქრისტინე თაკალანძე საგარეო დაზვერვის დავალებით, სპეცსამსახურების ინტერესებით ნაკარნახევი მოტივით მოქმედებდა, რომლის მიზანი იყო ინფორმაციის მოპოვება, შეგროვება და გადაცემა. ე.წ. „აფხაზეთის რესპუბლიკამ“ საქართველოს მოქალაქე თაკალანძე ქრისტინეს წინააღმდეგ აღძრა სისხლის სამართლის საქმე „აფხაზეთის რესპუბლიკის“ სისხლის სამართლის კოდექსის 274-ე მუხლით, რაც „ჯაშუშობას“ გულისხმობს“, - აღნიშნულია ოკუპირებული აფხაზეთის ე.წ. უსაფრთხოების სამსახურის ინფორმაციაში.