კონფლიქტები

სოჭში ალიევის, ფაშინიანის და პუტინის მოლაპარაკება დაიწყო

პუტინი ალიევი ფაშინიანის შეხვედრა
1637938273
დაკოპირებულია

სოჭში აზერბაიჯანის, სომხეთის და რუსეთის ლიდერების, ილჰამ ალიევის, ნიკოლ ფაშინიანის და ვლადიმერ პუტინის შეხვედრა დაიწყო. ინფორმაციას „ეხო კავკაზა“ ავრცელებს. შეხვედრის დაწყების წინ სამი ქვეყნის ლიდერმა განცხადება გააკეთა. 

ვლადიმერ პუტინის თქმით, ცეცხლის შეწყვეტის შესახებ შეთანხმების შემდეგ საკმაოდ ბევრი რამე გაკეთდა, თუმცა არის დარჩენილი პრობლემებიც. „მე ვიცი საზღვარზე მომხდარი ინციდენტების შესახებ. როდესაც ორივე მხრიდან ხალხი დაიღუპა და დაიჭრა. ამას მომავალში დიდი ყურადღება დასჭირდება, რომ  მსგავსი რამ თავიდან ავიცილოთ. ფართომასშტაბიანი საბრძოლო მოქმედებები არ ხდება, რაც ძალზე კარგია. 53 ათასი ლტოლვილი დაბრუნდა მთიან ყარაბაღში. შექმნილია სამონიტორინგო ჯგუფი, სამშვიდობო ძალები ღირსეულად მოქმედებენ, მუშაობს რუსულ-თურქული მონიტორინგის ცენტრი, მაგრამ მთავარია, რომ იქმნება საფუძველი მომავალი მშვიდობიანი ცხოვრებისთვის, რაც ძალზე მნიშვნელოვანია. უახლოეს მომავალში ჩვენ არა მარტო სატრანსპორტო კომუნიკაციების გახსნის ჯგუფს შევქმნით, არამედ კონკრეტულ გადაწყვეტილებებსაც მივიღებთ, რეგიონი უნდა აღორძინდეს, ხალხი უნდა იყოს უსაფრთხოდ, განვითარდეს და ეს ყველაფერი აისახოს რეგიონის მოსახლეობის ცხოვრების დონეზე. რუსეთისთვისაც ამას დიდი მნიშვნელობა აქვს. რუსეთს სომხეთსა და აზერბაიჯანთან განსაკუთრებული ურთიერთობები აქვს, დიდი ხნის განმავლობაში ჩვენ ერთიან ქვეყანაში ვცხოვრობდით. დიდი ისტორიული კავშირები გვაქვს და ეს უნდა შევინარჩუნოთ და გავაღრმაოთ. მე ამ თემებზე ცალ-ცალკე ვესაუბრე სომხეთის და აზერბაიჯანის ლიდერებს“ - განაცხადა პუტინმა.

აზერბაიჯანის პრეზიდენტმა ილჰამ ალიევმა ვლადიმერ პუტინს მადლობა გადაუხადა ორ ქვეყანას შორის მშვიდობის უზრუნველყოფის საკითხში წვლილისთვის.

„გასულ წელს ჩვენ ცეცხლის შეწყვეტის ტექსტი შევათანხმეთ. რუსული სამშვიდობო ძალების განთავსების შემდეგ სერიოზული ინციდენტები არ ყოფილა. იყო ერთეული შემთხვევები, მას სისტემური ხასიათი არ ჰქონია. სამშვიდობო ძალებს მადლობას ვუხდი - ისინი რეგიონში უსაფრთხოებას უზრუნველყოფენ, მანამდე იქ იყო გაყინული კონფლიქტი, ხოლო შარშან მოხდა ფართომასშტაბიანი ომი.

სატრანსპორტო კომუნიკაციების თემა არის უმნიშვნელოვანესი და ის ჯერჯერობით არ სრულდება. ჩვენ წინასწარ ეს უკვე განვიხილეთ. ასევე იქნება განხილული საზღვრის დადგენის საკითხი აზერბაიჯანსა და სომხეთს შორის ის დღეს დელიმიტირებული არ არის.  ჩვენ მზად ვართ ეს პროცესი დავიწყოთ. საჯაროდ განვაცხადეთ და სომხეთს სამშვიდობო შეთანხმება შევთავაზეთ. როგორც მეზობლებმა უნდა ვისწავლოთ ერთად ცხოვრება“ - განაცხადა ილჰამ ალიევმა.

სომხეთის პრემიერ-მინისტრმა ნიკოლ ფაშინიანმაც მადლობა გადაუხადა რუსეთს და ვლადიმერ პუტინს. „მინდა გამოვხატო სომეხი ხალხის სახელით თანაგრძნობა იმ ტრაგედიის გამო, რომელიც კუზბასში მოხდა. თქვენი პირადი როლი ამ ომის დასრულებაში თვალსაჩინოა. რუსეთის სამშვიდობო ძალები იქ განთავსდნენ და ისინი საკვანძო როლს ასრულებენ ყარაბაღში და რეგიონში სიტუაციის სტაბილიზაციის საკითხში. მაგრამ, სიტუაცია არ არის ისეთი სტაბილური, როგორც ჩვენ გვსურს რომ იყოს. 9 ნოემბრის შემდეგ ათეულობით ადამიანი დაიღუპა, გვაქვს კრიზისული სიტუაცია აზერბაიჯან-სომხეთის საზღვარზე. აზერბაიჯანის ჯარი ცოტა ხნის წინ შეიჭრა სომხეთის ტერიტორიაზე. ის დელიმიტირებული არ არის, მაგრამ სახელმწიფო საზღვარი არსებობს მე ვერ დავეთანხმები აზერბაიჯანის პრეზიდენტის იმ ფორმულირებას, რომ ყველა პუნქტი კომუნიკაციების დებლოკირების გარდა შესრულდა. არის კიდევ ტყვეების და მძევლების პრობლემა, ეს უმნიშვნელოვანესი ჰუმანიტარული საკითხია, მაგრამ ჩვენ იმისთვის არ შევიკრიბეთ, რომ საკითხებზე მხოლოდ ვისაუბროთ, ჩვენ უნდა გადავჭრათ საკითხები, საზღვრის დემარკაციას და დელიმიტაციას მხარს ვუჭერთ, ასევე მხარს ვუჭერთ დებლოკირებას და სატრანსპორტო კომუნიკაციების გახსნას.

თქვენ ახსენეთ მთიანი ყარაბაღის საკითხის მოგვარების თემაც და სამშვიდობო შეთანხმებაში ჩვენც ვართ დაინტერესებულები. ეს უნდა მოხდეს მინსკის ეუთოს ჯგუფის ფარგლებში შეიძლება გარკვეული საკითხების განხილვა სამმხრივი და ორმხრივ ფორმატებში. იგეგმება ორმხრივი შეხვედრები სომხეთის და აზერბაიჯანის ოფიციალურ პირებს შორისაც. ჩვენ უბრალოდ კი არ უნდა გავაჟღეროთ პრობლემების არსებობა, არამედ შევეცადოთ მივიღოთ კონკრეტული გადაწყვეტილებები, რაც სამხრეთ კავკასიაში სტაბილურობას უზრუნველჰყოფს“ - განაცხადა ნიკოლ ფაშინიანმა. 

ვლადიმერ პუტინის თქმით, კარგია, რომ ორივე მხარე დაინტერესებულია სიტუაციის გადაჭრაში და პოზიციურ ჭრილში ამ პრობლემების მოგვარებაში, რუსეთიც მათ შორის. „დიდი ტვირთბრუნვა გვაქვს და უნდა შევთანხმდეთ, რომ დაიწყოს დემარკაცია და დელიმიტაცია. ეს პრობლემები ჯერ კიდევ საბჭოთა კავშირიდან მივიღეთ, საზღვრისაც მათ შორის. პირდაპირი კონტრაქტები კარგია, ამაში გეთანხმებით, უახლოეს მომავალში თქვენ შეხვდებით ბრიუსელში და ამასაც მხარს ვუჭერთ. შარლ მიშელსაც ვესაუბრე და ის გელოდებათ. პარტნიორების გაზრდის რაოდენობას მხარს ვუჭერთ“ - განაცხადა ვლადიმერ პუტინმა.

უკრაინა - რუსეთი

უკრაინაში რუსეთის შეჭრის 4 შესაძლო სცენარი - depo.ua

გამოცემა depo.ua უკრაინელი ჟურნალისტის რუსლან რუდომსკის სტატიას აქვეყნებს, რომელიც უკრაინაზე რუსეთის თავდასხმის 4 შესაძლო სცენარზე წერს. 
თელავში, მშვიდობის ქუჩაზე ავარია მოხდა. ავტოავარიის შედეგად ორი ახალგაზრდა კაცი მძიმედ დაშავდა.
1643211362
ექსპრეზიდენტი მიხეილ სააკაშვილი წაშლილ კადრებს და პოლიციელის მხრიდან მოზარდზე ძალადობას „ფეისბუკ“ გვერდზე ეხმაურება.  სახელმწიფო ინსპექტორის სამსახურის განცხადებით, გორის ჰოსპიტალში სააკაშვილის საწოლის თავზე დამონტაჟებული კამერის კადრები წაშლილია.
1643197092
„შეიძლება, ერთი თვის განმავლობაში, ნახევარი მილიონი ინფიცირებული ადამიანი გვყავდეს“, - ამის შესახებ იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ განაცხადა.
1643182594
ანალიტიკოსი ზურაბ ქადაგიძე სოციალურ ქსელში აქვეყნებს ვიდეო მასალას და იხსენებს რუსეთ-საქართველოს ომის შემდგომ გავრცელებულ სკანდალურ დოკუმენტს, რომლითაც, მისი თქმით, დასტურდება, რომ მიხეილ სააკაშვილმა და მისმა ხელისუფლებამ უღალატა საკუთარ ქვეყანას და საქართველოს სამხედრო ძალები ომის დაწყებაში დაადანაშაულა, რაც მაშინდელმა ხელისუფლებამ დაადასტურა რეზოლუციაზე ხელის მოწერით, რომელშიც წერია, რომ „2008 წლის 7 აგვისტოს საქართველოს სამხედრო ძალების მიერ ცხინვალის დაბომბვის გაუფრთხილებლად დაწყებით, ესკალაცია ახალ, კერძოდ ღია და სრულმასშტაბიანი საომარი მოქმედებების საფეხურზე გადავიდა. მძიმე არტილერიისა და კასეტური ბომბების გამოყენება, რამაც სერიოზული საფრთხე შეუქმნა სამოქალაქო მოსახლეობას, წარმოადგენდა სამხედრო ძალის არაპროპორციულ გამოყენებას საქართველოს მხრიდან. რეზოლუციის მე-6 პუნქტში რუსეთის ქმედება საპასუხო შეტევად იქნა მოხსენიებული“.
1643217118
ჯივიპის ლოგო

ჯორჯიან უოთერ ენდ ფაუერის სპეციალური განცხადება

ხვალ, 27 იანვარს, ჯორჯიან უოთერ ენდ ფაუერი ვაკის რაიონში, თამარაშვილის ქუჩა N13-ის მიმდებარედ, წყალმომარაგების ქსელზე აუცილებელ ტექნიკურ სამუშაოებს ჩაატარებს.
ნიკოლოზ სამხარაძე: მივიღეთ მკაფიო გზავნილი, რომ ნატოს ღია კარის პოლიტი...
საქართველოს პარლამენტის ახალარჩეული თავმჯდომარე, შალვა პაპუაშვილი  პირველი ოფიციალური სამუშაო ვიზიტის ფარგლებში,  ბრიუსელში, ნატოს შტაბ-ბინაში შეხვედრებს მართავს. ინფორმაციას საქართველოს პარლამენტი ავრცელებს. 
ზურაბ ქადაგიძე: ოპოზიციის მხრიდან იმაზე აპელირება, რომ ესა თუ ის ფრაზა...
ანალიტიკოსი ზურაბ ქადაგიძე სოციალურ ქსელში ეხმიანება ოპოზიციის უარს „ქართული ოცნების“ მიერ წარდგენილ რეზოლუციაზე. 
სამხრეთ კორეაში კორონავირუსით ყოველდღიურად ინფიცირების მაჩვენებლის რეკ...
სამხრეთ კორეაში ინფიცირებულთა რაოდენობამ 13 000-ს გადააჭარბა, რაც გამოწვეულია „ომიკრონ“ ვარიანტის გავრცელებით, - ამის შესახებ ინფორმაციას „როიტერი“ ავრცელებს.