უკრაინის პრეზიდენტის აპარატის უფროსის მრჩევლის მიხაილო პოდოლიაკის განცხადებით, უკრაინა ყირიმის ხიდს ლეგიტიმურ სამხედრო სამიზნედ მიიჩნევს. ამის შესახებ უკრაინული მედია წერს.
„ხიდი უკანონოდ აშენდა და ის რუსული არმიისთვის მთავარი კარიბჭეა, ასეთი ობიექტები უნდა განადგურდეს“, - აცხადებს მიხაილო პოდოლიაკი.
ამასთან, უკრაინული მედია იტყობინება, რომ 16 აგვისტოს ყირიმის ხიდზე მოძრაობის ახალი რეკორდი დაფიქსირდა. ხიდზე ორივე მიმართულებით 38000 ათასმა მანქანამ გაიარა.
ეს მოხდა მას შემდეგ, რაც დროებით ოკუპირებულ ყირიმში აფეთქებები იყო.
ასევე დაგაინტერესებთ: