ალიევმა 10 ნოემბერი გამარჯვების დღედ გამოაცხადა
1606903160
აზერბაიჯანის პრეზიდენტმა ილჰამ ალიევმა 10 ნოემბერი ოფიციალურად გამარჯვების დღედ გამოაცხადა. ამ დღეს მთიან ყარაბაღში 44-დღიანი შეიარაღებული კონფლიქტი დასრულდა, რომელიც აზერბაიჯანულ და სომხურ შეიარაღებულ ძალებს შორის მიმდინარეობდა. ის 10 ნოემბერს ხელმოწერილი სამშვიდობო შეთანხმების შემდეგ შეწყდა. ამის შესახებ Report.az იუწყება.
ალიევის ბრძანებულებაში აღნიშნულია, რომ საბრძოლო მოქმედებების დროს აზერბაიჯანულმა ჯარმა დაიკავა ჯებრაილის, ფიზულის, ზანგილანის, გუბადლის რაიონები და მთიანი ყარაბაღის ერთ-ერთი ცენტრალური ქალაქი - შუშა. ბაქოში 10 ნოემბერს გამარჯვება იზეიმეს.
ილჰამ ალიევის კიდევ ერთი ბრძანებულების მიხედვით, 27 სექტემბერს, ანუ საომარი მოქმედებების დაწყების დღეს, ყოველწლიურად ხსოვნის დღე აღინიშნება.
