ამერიკის შეერთებულ შტატებში ქარიშხალ „იდას“ შედეგად გამოწვეულ წყალდიდობას 59-მდე ადამიანი ემსხვერპლა. ინფორმაციას abcnews-ი ავრცელებს.
მედიასაშუალების ცნობით, საგანგებო მდგომარეობა ქვეყნის სამ შტატშია გამოცხადებული.
წყალდიდობის გამო საგანგებო მდგომარეობა გამოცხადდა, ასევე, ნიუ-იორკშიც. ნიუ-იორკის მერის ბილ დე ბლაზიოს თქმით, მხოლოდ ნიუ-იორკში დაღუპულთა რიცხვი 13-ს აღწევს.
„შემზარავი ამბები ვნახეთ, ყველა იმ ამბავზე უარესი, რაც კი აქამდე გვინახავს“, - აღნიშნა ბილ დე ბლაზიომ.
სტიქიას თეთრი სახლის ლიდერი ჯო ბაიდენი გამოეხმაურა და აღნიშნა, რომ სტიქიის მთავარი მიზეზი კლიმატის ცვლილებებია.
ბაიდენის თქმით, მათ დაძლევას კოლოსალური ინვესტიციები დასჭირდება.