უკრაინის საზღვართან რუსეთის შეიარაღებული ძალების კონცენტრაციის გამო აშშ გაეროს უშიშროების საბჭოს ჩატარებას მოითხოვს. ამის შესახებ Deutche Welle იუწყება.
ამ საკითხის განხილვა, სავარაუდოდ, 31 იანვარს გაიმართება. გაეროში აშშ-ის მისიის მიერ გავრცელებულ განცხადებაში აღნიშნულია, რომ უკრაინის გარშემო დაძაბულობის დეესკალაციაზე, დიპლომატიური ძალისხმევის ფარგლებში, გაეროს უშიშროების საბჭოს სხდომის ჩატარებაა მიზანშეწონილი.
როგორც სააგენტო dpa იუწყება, რუსეთი ბოლო დროს უკრაინის საზღვართან სამხედროების გადასროლას მაღალი ტემპებით განაგრძობს. ამჟამად იქ 120 ათასამდე სამხედროა განთავსებული. პარალელურად სეპარატისტულ დონბასში 35 ათასი სამხედრო იმყოფება.
რუსული ქვედანაყოფები ოკუპირებულ ყირიმშიც გააძლიერეს. იქ 100 ათასამდე სამხედრო იმყოფება. ასევე ბელარუსში რუსეთ-ბელარუსული ერთობლივი წვრთნების ჩატარება იგეგმება.
აშშ და ნატო ეჭვობენ, რომ რუსეთი უკრაინის წინააღმდეგ ახალა აგრესიას ამზადებს.
იხილეთ აგრეთვე: