უცხოეთი

ავღანეთიდან ამერიკული ჯარის გაყვანა ამერიკას გააძლიერებს - ექსპერტი

ავღანეთიდან ამერიკული ჯარის გასვლის შედეგები
1630505902
დაკოპირებულია

ავღანეთიდან ამერიკული ჯარის გაყვანა და ამ ქვეყანაში სამხედრო ოპერაციის ფაქტობრივი კრახი, სინამდვილეში ამერიკას ვერ დაასუსტებს, მაგრამ მთელ მსოფლიო პოლიტიკას შეცვლის - მიაჩნია გერმანული გაზეთ FAZ-ის პოლიტიკურ მიმომხილველს ნიკოლას ბუსეს. ინფორმაციას Deutche Welle ავრცელებს.

მიმომხილველი წერს, რომ დასავლეთის ავღანური პოლიტიკის კრახის შესახებ დისკუსია, პირველ რიგში, ჰუმანისტური პოზიციიდან მიმდინარეობს. ეს იმით არის გამოწვეული, რომ ბოლო დღეების ახალი ამბები ძირითადად ქაბულის აეროპორტიდან უცხოელების და ავღანელების ევაკუაციას, ასევე „თალიბანის“ მოქმედებას აშუქებს.

ამასთანავე, მარცხი, რომელიც აშშ-მა რეგიონში განიცადა, ჩვენს წინაშე სტრატეგიული ხასიათის კითხვებს სვამს. იქნება თუ არა ეს მსოფლიო პოლიტიკაზე აშშ-ის და ევროპის გავლენის შემცირების ეტაპი? რა შედეგები მოჰყვება იმ ქვეყნიდან წასვლას, რომელზეც დასავლური ფასეულობების და დასავლეთის უსაფრთხოების ფრონტის ხაზი გადიოდა ბოლო 20 წლის განმავლობაში?

ავღანეთიდან წასვლა აშშ-ის ბრძოლისუნარიანობას გაზრდის

როგორც ყოველთვის, ასეთ კითხვებზე პასუხი არც ისე ერთგვაროვანია, როგორც ეს ზოგიერთ პოლიტიკოსს ერთი შეხედვით ეჩვენება. ამერიკის „ჩამოწერის“ მცდელობა ადრეც არსებობდა, ყველაზე აქტიურად ეს 1970-იანი წლების დასაწყისში, ვიეტნამში ამერიკის მარცხის შემდეგ ხდებოდა. ავღანეთიდან და ვიეტნამიდან ჯარის გასვლას ხშირად ერთმანეთს ადარებენ. მაგრამ ფაქტია, რომ ავღანეთიდან წასვლის შემდეგაც აშშ როგორც სამხედრო, ასევე, ეკონომიკის მიხედვით, მსოფლიოს უძლიერეს სახელმწიფოდ დარჩა.

ამერიკის მიერ ბოლო დროს წარმოებული ომების სპეციფიკა იმაში მდგომარეობს, რომ ამერიკელები მას სხვის ტერიტორიაზე აწარმოებდნენ. ომებში დამარცხებას შეიძლება შიდაპოლიტიკური შედეგები მოჰყვეს, მაგრამ არა რეალური ნგრევა და ტერიტორიის დაკარგვა, რაც ქვეყანას დაასუსტებდა.

სინამდვილეში ავღანეთიდან ამერიკელების გასვლა აშშ-ის შეიარაღებული ძალების ბრძოლისუნარიანობას გაზრდის. მიუხედავად იმისა, რომ ავღანეთში აქტიური საბრძოლო მოქმედებები აშშ-მა 2014 წელს დაასრულა, ამერიკული ჯარი ქვეყანაში არსებული ოპერატიული ვითარების მართვაში ჩართული მაინც იყო. მაგალითად, ავღანეთის უსაფრთხოების ძალების საჰაერო მხარდაჭერას უზრუნველყოფდა. ამით არის დაკავებული ამერიკული ჯარი ერაყშიც, საიდანაც ის წლის ბოლოსთვის უნდა გავიდეს. სწორედ ამაში მდგომარეობს ამერიკის პრეზიდენტის მიზანი - მას სურს შეინარჩუნოს რესურსები აშშ-ის პოლიტიკის ახალი პრიორიტეტისთვის - ჩინეთთან გლობალური დაპირისპირებისთვის.

Realpolitik-ის დაბრუნება

მსოფლიო პოლიტიკისთვის ეს კლასიკურ, პრაგმატულ მიზნებზე ორიენტირებული საგარეო პოლიტიკის დაბრუნებას ნიშნავს. ომები, რომლებსაც დასავლეთი ბოლო ათწლეულებში ავღანეთში, ერაყში და ლიბიაში აწარმოებდა, არატიპური ომები იყო, მათი მიზანი ტერორიზმისგან დაცვა, ეროვნული სახელმწიფოს მშენებლობის მხარდაჭერა და ადამიანის უფლებების დაცვა იყო.

ავღანეთის კამპანიის ქაოსური და დამამცირებელი დასასრული ამ ეპოქის დასასრულსაც ნიშნავს. ნატო დაუბრუნდა საგარეო საფრთხეებისგან ალიანსის წევრი ქვეყნების დაცვის კონცეფციას, რაც რუსეთის მიერ ყირიმის ანექსიის შემდეგ ძალზე აქტუალური გახდა.

ახლა კი ინდოეთ-წყნარი ოკეანის რეგიონში დასავლეთის სამხედრო მონაწილეობა იზრდება. ჩინეთთან დაპირისპირებაც ხომ ძირითადად, ზღვაზეა მოსალოდნელი, რაც, ასევე, ბოლო წლების სახმელეთო ოპერაციებისგან განსხვავებული იქნება.

დაუჭერენ თუ არა თალიბები მხარს ტერორისტებს?

რთულია შეკითხვაზე პასუხის გაცემა - გააძლიერებს თუ არა „თალიბანის“ გამარჯვება ისლამურ ტერორიზმს? აშშ-ში ზოგიერთი ანალიტიკოსი შიშობს, რომ ქაბულიდან რეპორტაჟები და სუპერსახელმწიფოს დამარცხების შესახებ განცხადებები „მძინარე“ მდგომარეობაში მყოფ ტერორისტულ რგოლებს გამოაფხიზლებს და ისინი ახალ ტერაქტებს მოაწყობენ. ევროპაში ეს საფრთხე, სავსებით რეალურია.

ჯერჯერობით გაუგებარია, გახდება თუ არა „თალიბანი“, რომელიც ვიწრო ნაციონალისტური მიმდინარეობაა, კვლავ მსოფლიო ჯიჰადიზმის ცენტრი? მით უმეტეს, 2001 წლის სამწუხარო გამოცდილების გათვალისწინებით (სწორედ საერთაშორისო ტერორისტების ყოფნა ავღანეთში გახდა ქვეყანაში ამერიკული ჯარის შესვლის მიზეზი). ასე მაგალითად, „ისლამურ სახელმწიფოსთან“ თალიბებს მტრული დამოკიდებულება აქვთ. ნებისმიერ შემთხვევაში რეგიონისთვის საშიშროება იზრდება. მაგ. ის გაზრდილი იქნება პაკისტანისთვის, რომელსაც ისედაც უწევს ქვეყნის შიგნით არსებულ რადიკალურ დაჯგუფებებთან ბრძოლა. ასევე რუსეთისა და ჩინეთისთვის, რომლებიც ფიქრობენ, რომ ამერიკელების წასვლა მათ გეოპოლიტიკურ ინტერესებში შედის. ამასთანავე, მოსკოვიც და პეკინიც შიშობენ, რომ ავღანეთში ისლამისტური ძალების გამარჯვება მათ ქვეყნებში ისლამისტურ უმცირესობებს გააძლიერებს.

დასავლეთის ახალი სამხედრო ოპერაციები სავარაუდოდ არ ჩატარდება

ერთი რამ ცალსახაა. ამერიკა და მთლიანად დასავლეთი მომავალში სხვა ქვეყნებში ჯარის შეყვანისგან მაქსიმალურად თავს შეიკავებენ. ეს, პირველ რიგში, ავღანეთის მსგავს ქვეყნებს ეხება. მომავალში, სავარაუდოდ, საქმე საჰაერო იერიშებით და სპეცრაზმების მცირერიცხოვანი ოპერაციებით შემოიფარგლება.

სულ ცოტა ხნის წინ, გერმანიაში, მაგალითად, სავსებით სერიოზულად სპეციალური დანიშნულების ძალების შენარჩუნების მიზანშეწონილობა განიხილებოდა. ზოგიერთ ექსპერტს ეგონა, რომ ტრამპის წასვლის შემდეგ ამერიკა მთელი მსოფლიოს, მათ შორის გერმანიის უსაფრთხოებას უზრუნველყოფს. სინამდვილეში კი ხდება ისე, რომ პრეზიდენტ ბაიდენს ჩინეთთან დაპირისპირებაში მომავალში მოკავშირეები დასჭირდება.

იხილეთ აგრეთვე:

🔅 „აშშ-მა ავღანეთში 20-წლიანი ომი დაასრულა - ყველაზე ხანგრძლივი ომი ამერიკის ისტორიაში“ - ჯო ბაიდენი

🔅 „ავღანეთში ჰუმანიტარული კატასტროფა გარდაუვალია“ - ანტონიო გუტერეში

„რა დროს მიტინგებია! გაქანებული ეპიდემიაა, ვირუსი მძვინვარებს“„რა დროს მიტინგებია! გაქანებული ეპიდემიაა, ვირუსი მძვინვარებს“

„ვაქცინირებულებში პოსტკოვიდური მდგომარეობა 50%-ით მცირდება“ - გიორგი ფ...

საზოგადოებრივი ჯანდაცვის ექსპერტმა გიორგი ფხაკაძემ „პალიტრანიუსის“ ეთერში ჩატარებულ კვლევაზე ისაუბრა, რომელიც პოსტკოვიდურ გართულებებს ეხება. 
1638959458
მქონდა სურვილი, რომ ქვეყნის სამსახურში, რეალური საქმის კეთებაში ოპოზიციაც ჩართულიყო,  მაგრამ როგორც ჩანს, ეს არ შეუძლიათ, - დედაქალაქის მერმა, კახა კალაძემ სოციალური ქსელის ვიდეოჩართვაში ოპოზიციის წარმომადგენლებს მიმართა.
1638966394
დიდ ბრიტანეთში ჩატარებული კვლევის თანახმად, „ასტრაზენეკას“ და „ფაიზერის“ კორონავირუსის საწინააღმდეგო ვაქცინების „მოდერნას“ ვაქცინასთან კომბინაცია უკეთეს იმუნურ პასუხს უზრუნველყოფს.
1638964103
იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ „მედიაცენტრ მთავარში“ გამართულ პრესკონფერენციაზე, არსებულ ეპიდემიოლოგიურ ვითარებაზე, გრიპის ვირუსზე და კორონავირუსის ახალ ვარიანტზე „ომიკრონის“ შესახებ ისაუბრა. 
1638954183
„2021 წელს რეალური მშპ-ის 10%-იან ზრდას მოველით. ჩვენი პროგნოზით, ეკონომიკური ზრდის მთავარი მამოძრავებელი  შიდა მოთხოვნა იქნება“, - განაცხადა სების პრეზიდენტმა კობა გვენეტაძემ.
1638968834
კახა კალაძე ფესიბუქ ლაივში

კახა კალაძე პოლიტიკურ ოპონენტებს: პატრიოტულ მიდგომას დღეს უდიდესი მნიშ...

თბილისის მერი კახა კალაძე პოლიტიკურ ოპონენტებს კიდევ ერთხელ მიმართავს და მოუწოდებს, პოლიტიკური კონკურენციის მიუხედავად, შეეცადონ, ქალაქის განვითარებაში საკუთარი წვლილი შეიტანონ. 
საქართველოს რკინიგზის რეიტინგის პროგნოზი გაუმჯობესდა
სარეიტინგო კომპანია S&P Global-მა 8 დეკემბერს საქართველოს რკინიგზის რეიტინგის პროგნოზი გააუმჯობესა და ნეგატიურიდან სტაბილურზე გადაიყვანა.
როლანდ ბერიძემ დღეს შპს „ქედის კომუნალურსერვისის“ თანამშრომლებს ახალი...
ქედის მერმა, როლანდ ბერიძემ დღეს შპს „ქედის კომუნალურსერვისის“ თანამშრომლებს ახალი უფროსი - სილოვან ბერიძე წარუდგინა. ამის შესახებ ინფორმაციას ქედის მუნიციპალიტეტის მერია ავრცელებს. 
„ლარი სჭირდებათ რომ გმართონ, რაც უფრო მეტად შეგსვამენ ლარზე, მით მეტი...
პარტია „გირჩი - მეტი თავისუფლების“ ლიდერი ზურაბ ჯაფარიძე ეროვნული ბანკის მიერ მონეტარული პოლიტიკის განაკვეთის 10.5%-მდე გაზრდას სოციალური ქსელით ეხმაურება.