ბაიდენი აღმოსავლეთ ევროპაში ათასობით სამხედროს გაგზავნას განიხილავს
1643011408
„უკრაინის საზღვართან არსებული დაძაბული ვითარების ფონზე აშშ-ის პრეზიდენტი ჯო ბაიდენი აღმოსავლეთ ევროპის ქვეყნებში, მათ შორის ბალტიისპირეთში, ათასობით სამხედროს გაგზავნას განიხილავს“, - ამის შესახებ foxnews იუწყება.
მრჩევლებმა ბაიდენს უკვე წარუდგინეს სხვადასხვა ვარიანტები, რათა რუსეთის აგრესიულ ქმედებებს შესაბამისი პასუხი გაეცეს.
ბაიდენი რუმინეთში, ლატვიაში, ლიეტუვასა და ესტონეთში 5 000-მდე ამერიკელი ჯარისკაცის გაგზავნას განიხილავს.
გარდა ამისა, რუსეთის საზღვართან ახლომდებარე ქვეყნებში ჯარები შესაძლოა, ნატოს სხვა სახელმწიფოებმაც შეიყვანონ.
ბაიდენი აგრეთვე გეგმავს, რომ ნატოს მოკავშირე სახელმწიფოების ნავსადგურებში საბრძოლო გემები განათავსოს.
იხილეთ აგრეთვე:
🔴 უკრაინასთან დაკავშირებით გაკეთებული განცხადების გამო, გერმანელი ვიცეადმირალი გადადგა - BBC
