Tesla-სა და SpaceX-ის დამფუძნებლის, ილონ მასკის ქონება დღეში 25 მილიარდი დოლარით გაიზარდა. აღნიშნულ ინფორმაციას Bloomberg-ის მილიარდერების ინდექსის საიტი ავრცელებს.
Tesla-ს აქციების ფასის მატებას უკავშირდება ქონების ზრდა. მისი კაპიტალიზაცია 106,2 მილიარდი დოლარით გაიზარდა. ასეთი შედეგები Tesla-მ ჩინეთში გაყიდვების ფონზე აჩვენა.
მასკის ქონება $174 მილიარდს შეადგენს. რაც შეეხება, რეიტინგის პირველ ადგილს, კვლავ Amazon-ის დამფუძნებელი, ჯეფ ბეზოსი იკავებს, რომლის ქონებაც 180 მილიარდით არის შეფასებული.