ინდონეზიაში კუნძულ იავაზე ვულკანი სემერუს ამოფრქვევის შედეგად გარდაცვლილთა რიცხვი 13-მდე გაიზარდა, ათეულობით ადამიანი კი დაშავდა, - ამის შესახებ Reuters-ი იუწყება.
დაშავებულთა უმრავლესობას ძლიერი დამწვრობა აღენიშნება.
ვულკანის ამოფრქვევის შემდეგ კუნძულზე გაუქმდა ფრენები, პარალიზებული იყო საავტომობილო მოძრაობაც.
ადგილზე მოსახლეობის ევაკუაცია ამ დრომდე გრძელდება.
ვულკანი სემერუ ბოლოს იანვარში ამოიფრქვა.