უცხოეთი

იორდანიაში, წითელი ზღვის პორტ აკაბაში ტოქსიკური ქლორის გაჟონვის შედეგად 13 ადამიანი დაიღუპა

პორტი აკაბა
1656411722
დაკოპირებულია

იორდანიის, წითელი ზღვის პორტ აკაბაში ტოქსიკური ქლორის გაჟონვის შედეგად 13 ადამიანი დაიღუპა და 260-ზე მეტი დაშავდა, ინფორმაციას ადგილობრივი მედია ავრცელებს.

ინციდენტთან დაკავშირებით, ხელისუფლებამ განაცხადა, რომ ამწის გაუმართაობის შედეგად ქიმიური შენახვის კონტეინერი ტრანსპორტირებისას ჩამოვარდა, რის შედეგადაც აფეთქდა.

ადგილობრივი  მედიის ცნობით, ამ დროისთვის, ქიმიური ზემოქმედების გამო 123 ადამიანი მკურნალობს. ნაწილის მდგომარეობა, კრიტიკულად მძიმეა.

ცნობისთვის, ქლორი არის ქიმიკატი, რომელიც გამოიყენება მრეწველობასა და საყოფაცხოვრებო საწმენდ პროდუქტებში.  ქლორის ჩასუნთქვისას, გადაყლაპვისას ან კანზე მოხვედრისას, წარმოიქმნება მჟავები, რომლებიც ორგანიზმის უჯრედებს აზიანებენ. მისი დიდი ოდენობით შესუნთქვა იწვევს ფილტვებში სითხის დაგროვებას.