იტალიაში COVID-19-ით გარდაცვლილთა რიცხვი 3000-ს უახლოვდება

იტალიაში ახალი კორონავირუსით გარდაცვლილთა რიცხვი კვლავ იზრდება.

ოფიციალური მონაცემებით, COVID-19-ით გარდაცვლილთა საერთო რაოდენობა 2978-ს შეადგენს.

ბოლო 24 საათში კი გარდაცვალების 475 ახალი შემთხვევა დაფიქსირდა.

ცნობისთვის, მსოფლიო ჯანდაცვის ორგანიზაციამ ახალი კორონავირუსი პანდემიად გამოაცხადა. ორგანიზაციის ხელმძღვანელმა მსოფლიოს ქვეყნების მიმართ ერთგვარი მესიჯი გააჟღერა და მოუწოდა მათ, რომ რაც შეიძლება მეტი ადამიანის ტესტირება მოახდინონ ახალ ინფექციაზე.

ტედროს ადჰანომ გებრეიესუსმა ვირუსის გავცელების დინამიკას შემაშფოთებელი და საგანგაშო უწოდა.

რაც შეეხება საქართველოს, 18 მარტის მონაცემებით, ვირუსის 38 ლაბორატორიულად დადასტურებული შემთხვევაა გამოვლენილი.