ჯო ბაიდენსა და დონალდ ტრამპს შორის მეორე დებატები ვირტუალურ ფორმატში ჩატარდება
1602159869
აშშ-ის პრეზიდენტ დონალდ ტრამპსა და პრეზიდენტობის კანდიდატ ჯო ბაიდენს შორის მეორე დებატები ვირტუალურ ფორმატში ჩატარდება. ინფორმაციას „ფოქს ნიუსი“ ავრცელებს.
მეორე დებატები დონალდ ტრამპსა და ჯო ბაიდენს შორის 15 ოქტომბერს არის დაგეგმილი.
დონალდ ტრამპისა და მისი მეუღლის კორონავირუსით ინფიცირების შესახებ აშშ-ის პრეზიდენტმა 2 ოქტომბერს გაავრცელა ინფორმაცია.
ჯო ბაიდენმა ტრამპსა და მის მეუღლეს გამოჯანმრთელება უსურვა.
ცნობისთვის, საავადმყოფოში 3-დღიანი მკურნალობის შემდეგ კი ტრამპი თეთრ სახლში დაბრუნდა და განაგრძობს მკურნალობას.
