სააგენტო „როიტერი“ ქაბულის აეროპორტთან მეორე აფეთქების შესახებ იუწყება. აღნიშნულ ინფორმაციას მედია პენტაგონზე დაყრდნობით ავრცელებს.
ამავე ცნობით, დაღუპულთა შორის არიან სამოქალაქო პირები და აშშ-ის სამხედრო მოსამსახურეები.
შეგახსენებთ, რომ ქაბულის აეროპორტთან თვითმკვლელმა ტერორისტმა აფეთქება მოაწყო. „თალიბანის“ ინფორმაციით, თავდასხმის შედეგად 11 ადამიანი დაიღუპა და ათობით დაიჭრა. დაშავებულთა შორის ქალები და ბავშვები არიან.
რამდენიმე საათის წინ აშშ-ის და დიდი ბრიტანეთის დაზვერვამ გაავრცელა გაფრთხილება, რომ „ისლამური სახელმწიფო“ ქაბულის აეროპორტზე შეტევას გეგმავს.