ლავროვი: აშშ აღიარებს, რომ „ჩრდილოეთ ნაკადის“ აფეთქებებში მათი ხელი ურევია
1676206498
რუსეთის საგარეო საქმეთა მინისტრმა, სერგეი ლავროვმა ამერიკის შეერთებული შტატები „ჩრდილოეთ ნაკადის“ გაზსადენის აფეთქებაში დაადანაშაულა.
„ფაქტობრივად, ამერიკელი ოფიციალური პირები აღიარებენ, რომ აფეთქებებში, რომლებიც მოხდა „ჩრდილოეთ ნაკად 1“-სა და „ჩრდილოეთ ნაკად 2“-ზე, მათი ხელი ურევია, ახლა ამაზე სიამოვნებითაც კი საუბრობენ“, - განაცხადა ლავროვმა.
ცნობისთვის, აფეთქება მილსადენებზე გასული წლის 26 სექტემბერს მოხდა და გაზის გაჟონვა ერთდროულად 4 ადგილას დაიწყო. მომხდარზე გამოძიებას შვედეთი, დანია და გერმანია აწარმოებენ, მაგრამ მათ ჯერ რაიმე კონკრეტული შედეგი არ მოჰყოლია. კრემლმა მომხდარს„ საერთაშორისო ტერორისტული აქტი“ უწოდა.
აგრეთვე დაგაინტერესებთ:
🔴 „საქართველო აგრძელებს სააკაშვილის მკვლელობას, ასეთი მიმზიდველია რუსული ბანაკი?“ - პოდოლიაკი
🔴 სტოლტენბერგი ნატოს გენერალური მდივნის თანამდებობაზე კიდევ ერთი წელი დარჩება - მედია
