ოქროს იმპორტის აკრძალვა, „სბერბანკის“ აქტივების გაყინვა - ევროკავშირის ელჩებმა რუსეთის წინააღმდეგ სანქციების მეშვიდე პაკეტი დაამტკიცეს

ევროკავშირის ელჩებმა რუსეთის წინააღმდეგ სანქციების მეშვიდე პაკეტი დაამტკიცეს, რომელიც რუსეთის ფედერაციიდან ოქროს იმპორტის აკრძალვასა და „სბერბანკის“ აქტივების გაყინვას მოიცავს, - ამის შესახებ უკრაინის პრეზიდენტის აპარატის ხელმძღვანელმა ანდრეი ერმაკმა განაცხადა.

„ევროკავშირის ელჩებმა რუსეთის ფედერაციის წინააღმდეგ სანქციების მეშვიდე პაკეტი მოიწონეს. რუსული ოქროს იმპორტი აიკრძალება, ხოლო „სბერბანკის აქტივები“ გაიყინება“, - აცხადებს უკრაინის პრეზიდენტის აპარატის ხელმძღვანელი.

ერმაკის თქმით, სანქციების ახალი პაკეტი სანქციების სიაში 50-ზე მეტი ფიზიკური და იურიდიული პირის შეყვანას ითვალისწინებს.

„ჩვენ გავაგრძელებთ მუშაობას გაზის ემბარგოზე, რუსეთის ტერორიზმის სახელმწიფო სპონსორად აღიარებაზე და ნავთობის ფასის შეზღუდვაზე“, - დასძენს ანდრეი ერმაკი.

ასევე დაგაინტერესებთ:

👉 „მსოფლიოში ახალი დღის წესრიგი, ახალი ეპოქა იწყება“ - პუტინი

👉 „რუსეთი ახლა ათამაშებს სცენარს, რომელსაც შეიძლება დავარქვათ „ანექსიის თამაში“ - ჯონ კირბი

👉 შოიგუმ რუს სამხედროებს უკრაინული უპილოტო საფრენი აპარატების „სწრაფად განადგურება“ დაავალა

👉 პუტინი ფიქრობს, რომ გაიმარჯვებს, მას 3 მკაფიო გეგმა აქვს - NYT

👉რუსეთის დამარცხება უდავოდ შეიძლება, იარაღი გვჭირდება - ალექსეი რეზნიკოვი