გერმანიას ახალი ფედერალური კანცლერი ჰყავს. ამ თანამდებობაზე ბუნდესტაგმა (პარლამენტმა) ის ოფიციალურად დაამტკიცა. შოლცს 395 დეპუტატმა დაუჭირა მხარი. ინფორმაციას Deutche Welle ავრცელებს.
სოციალ-დემოკრატმა შოლცმა კანცლერის თანამდებობაზე ანგელა მერკელი შეცვალა, რომელიც გერმანიის ფედერალურ მთავრობას 16 წლის განმავლობაში ხელძღვანელობდა.
კანცლერად ასარჩევად ოლაფ შოლცს 369 ხმა სჭირდებოდა. მას როგორც თავად სოციალ-დემოკრატებმა, ასევე, მწვანეებმა და თავისუფალმა დემოკრატიულმა პარტიამ დაუჭირა მხარი. ამ სამმა ძალამ გერმანიის მმართველი კოალიცია ჩამოაყალიბა.
ოლაფ შოლცი გერმანიის მეცხრე კანცლერი გახდა. ის 1958 წელს ოსნაბრიუკეში დაიბადა. ორჯერ იყო ბუნდესტაგის დეპუტატი - 1998 და 2001 წელს. 2018 წლიდან კი გერმანიის მთავრობის ფინანსთა მინისტრი და, ერთდროულად, ვიცე-კანცლერი იყო.
გერმანიის მოსახლეობის თითქმის 2/3-ს მიაჩნია, რომ შოლცი კანცლერის თანამდებობაზე ოთხ წელზე მეტ ხანს ვერ გაჩერდება.
ამავე თემაზე:
🔴 მერკელის „ორეული“, რომელმაც ანგელას ეპოქა დაასრულა - ვინ არის ოლაფ შოლცი?