„პუტინი ბაიდენს აშშ-ის დამოუკიდებულობის დღეს არ მიულოცავს“ - პესკოვი
1656927603
რუსეთის პრეზიდენტი ვლადიმერ პუტინი აშშ-ის პრეზიდენტ ჯო ბაიდენს ქვეყნის დამოუკიდებლობის დღეს არ მიულოცავს, - ამის შესახებ კრემლის სპიკერმა დიმიტრი პესკოვმა განაცხადა.
მისივე თქმით, მიზეზი აშშ-ის „არამეგობრული“ ქმედებებია.
„წელს დამოუკიდებლობის დღის მილოცვა სათანადოდ ძნელად შეიძლება, რომ ჩაითვალოს. ამის მიზეზი ამერიკის შეერთებული შტატების არამეგობრული პოლიტიკური ნაბიჯებია“, - განაცხადა პესკოვმა.
ცნობისთვის, 4 ივლისი აშშ-ის დამოუკიდებლობის დღეა.
შეერთებული შტატები ცამეტმა ბრიტანულმა კოლონიამ დააარსა. 1776 წლის 4 ივლისს მათ თავი დამოუკიდებლად გამოაცხადეს. ამას მოჰყვა დამოუკიდებლობის ომი ბრიტანეთის იმპერიასთან, რომელშიც აშშ-მა გაიმარჯვა. საბოლოოდ, 1787 წლის 17 სექტემბერს ამერიკის შეერთებულმა შტატებმა კონსტიტუცია მიიღო.
ასევე დაგაინტერესებთ:
👉 პუტინს რუსი გენერლების მიმართ ნდობა დაკარგული აქვს - ISW
