რუსეთის სახელმწიფო დუმამ დონეცკის და ლუგანსკის „რესპუბლიკებთან“ მეგობრობის შესახებ ხელშეკრულებას მხარი დაუჭირა
1645527519
რუსეთის სახელმწიფო დუმამ 22 თებერვალს გამართულ სხდომაზე დონეცკის და ლუგანსკის „რესპუბლიკებთან“ მეგობრობის, თანამშრომლობისა და ურთიერთდახმარების შესახებ ხელშეკრულების რატიფიცირება მოახდინა. ამის შესახებ „ინტერფაქსი“ იუწყება.
გადაწყვეტილებას დეპუტატებმა ერთხმად დაუჭირეს მხარი. კენჭისყრის შედეგებს რუსი პარლამენტარები ტაშით შეხვდნენ. ხელშეკრულება ძალაში მისი გამოქვეყნებისთანავე შევა ძალაში.
შესაბამისი დოკუმენტი დუმაში 21 თებერვალს რუსეთის პრეზიდენტმა ვლადიმერ პუტინმა გადაუგზავნა.
ხელშეკრულების ტექსტის მიხედვით, რუსეთის „რესპუბლიკების“ საზღვრების დაცვაში მიიღებს მონაწილეობას, ასევე, მას ამ რეგიონებში სამხედრო ინფრასტრუქტურის და ბაზების განთავსების უფლება ეძლევა.
ცნობისთვის, 21 თებერვალს რუსეთის პრეზიდენტმა ვლადიმერ პუტინმა დონეცკის და ლუგანსკის „დამოუკიდებლობის“ აღიარებას ხელი მოაწერა. ამის შემდეგ გავრცელდა ინფორმაცია, რომ ოკუპირებულ რეგიონებში რუსეთის რეგულარული შეიარაღებული ძალების ნაწილები შევიდნენ.
იხილეთ აგრეთვე:
🔴 ჟირინოვსკი მოუწოდებს რუსეთის ხელისუფლებას, რომ დასავლეთის სანქციებს ყურადღება არ მიაქციოს
🔴 ეუთო მოუწოდებს რუსეთს, რომ დონეცკის და ლუგანსკის „დამოუკიდებლობის“ აღიარება უკან გაიწვიოს
🔴 რუსული აგრესიის შემთხვევაში აშშ ზელენსკის კიევის დატოვებას ურჩევს - NBC
🔴 რუსეთის არმიას უკვე მიღებული აქვს ბრძანება დონბასში შეჭრასთან დაკავშირებით - ექსპერტები
🔴 რუსეთი არ დაუშვებს ახალ ხოცვა-ჟლეტას დონბასში - გაეროში რუსეთის ელჩი
🔴 „ნატო-მ და აშშ-მა 2008 წლის გაკვეთილი ცუდად ისწავლეს“ - დიმიტრი მედვედევი
