საბერძნეთში მომხდარ ავიაკატასტროფას 8 უკრაინელი ემსხვერპლა - ინფორმაციას უკრაინული კომპანია ადასტურებს

უკრაინულმა ავიაკომპანია „მერიდიანმა“ დაადასტურა საბერძნეთში მისი An-12 თვითმფრინავის ჩამოვარდნა. ინფორმაციას dw ავრცელებს. 

Meridian-ის აღმასრულებელმა დირექტორმა დენის ბოგდანოვიჩმა განაცხადა, რომ  ეკიპაჟის რვავე წევრი, რომელიც კატასტროფას ემსხვერპლა, უკრაინის მოქალაქე იყო.

დენის ბოგდანოვიჩმა არ მიაწოდა ინფორმაცია მედიას იმის შესახებ, თუ რა ტვირთი გადაჰქონდა თვითმფრინავს. 

კომპანია „მერიდიანში“ ავიაკატასტროფას ტექნიკურ გაუმართაობას უკავშირებენ.

თვითმხილველების თქმით, თვითმფრინავს ცეცხლი ჰაერში გაუჩნდა, რის შემდეგაც, ჩამოვარდა და ადგილზე აფეთქდა.

შეგახსენებთ, ავიაკატასტროფა 17 ივლისს მოხდა.