რუსეთის ფედერაციის პრემიერ-მინისტრის მიხაილ მიშუსტინის განცხადებით, მიუხედავად სანქციებისა, ქვეყანამ მაკროეკონომიკური სტაბილურობა შეინარჩუნა. ამის შესახებ პროსამთავრობო tass-ი იტყობინება.
„დღის წესრიგში დგას ბიუჯეტის შესრულება. მიუხედავად გამოწვევებისა, მისი ძირითადი მაჩვენებლები რჩება დაბალანსებული. სანქციებს არ დაურღვევია რუსეთის ფინანსური სისტემის სტაბილურობა და არც მაკროეკონომიკური სტაბილურობა“, - აღნიშნა მიშუსტინმა.
მიხაილ მიშუსტინის მტკიცებით, „გატარებულმა სისტემურმა ზომებმა შესაძლებელი გახადა ეკონომიკაში ვითარების სტაბილიზაცია, საწარმოებისა და მთელი ინდუსტრიების საქმიანობის მხარდაჭერა და სამუშაო ადგილების შენარჩუნება რეგიონებში“.
ასევე დაგაინტერესებთ:
👉 რუსეთსა და უკრაინას შორის მოლაპარაკებების დასაწყებად კიევის პოლიტიკური ნებაა საჭირო - პესკოვი
👉 რუსეთს საბრძოლო მასალა ეწურება და ირანს რაკეტებს სთხოვს - სტოლტენბერგი