საფრანგეთმა ჰოლოდომორი უკრაინელების გენოციდად აღიარა
1680029117
საფრანგეთის პარლამენტმა მხარი დაუჭირა რეზოლუციას, რომელიც 1932-1933 წლების ჰოლოდომორს უკრაინელი ხალხის გენოციდად აღიარებს.
უკრაინის პრეზიდენტმა ვოლოდიმირ ზელენსკიმ საფრანგეთს რეზოლუციის მიღებისთვის მადლობა გადაუხადა.
მანამდე კი, ჰოლოდომორი უკრაინელი ხალხის გენოციდად აშშ-მა, გერმანიამ, ბულგარეთმა, ირლანდიამ, რუმინეთმა, მოლდოვამ, ისლანდიამ და ევროპარლამენტმა აღიარეს.
ჰოლოდომორი - უკრაინაში მასიური შიმშილი 1932-1933 წლებში, რომელიც საბჭოთა ხელისუფლების მიერ გლეხებისთვის მთელი სასურსათო მარაგის კონფისკაციით იყო გამოწვეული. სხვადასხვა ინფორმაციით, მაშინ 3-იდან 5 მლნ ადამიანამდე დაიღუპა, თუმცა ზუსტი რიცხვი უცნობია.
ისტორიკოსების დიდი ნაწილი მიიჩნევს, რომ ეს სიტუაცია საბჭოთა ხელისუფლებამ უკრაინის ტერიტორიაზე განზრახ შექმნა.
აგრეთვე წაიკითხეთ:
👉 რუსეთის არმიამ დაკარგა სატანკო პოლკის უმეტესი ნაწილი ავდიივკას მახლობლად - ბრიტანული დაზვერვა
👉 რუსებმა თითქმის მიაღწიეს ბახმუტის ცენტრს - ISW
👉 რუსეთი არ წყვეტს ბახმუტის ალყაში მოქცევისა და აღების მცდელობას - ალექსანდრ სირსკი
