პოლიტიკა

რა შეიცვლება, თუ საპარლამენტო არჩევნები გადაიდება

არჩევნების პროცედურა
1592305379
დაკოპირებულია

მმართველ გუნდში არ გამორიცხავენ, რომ პანდემიის გამო, 2020 წლის საპარლამენტო არჩევნები ოქტომბრის ნაცვლად დეკმებერში ჩატარდეს.

საპარლამენტო უმრავლესობის წევრის ირაკლი კობახიძის განცხადებით ეს დამოიკიდებულია ქვეყანაში ეპიდემიოლოგიურ მდგომარეობაზე. იმ შემთხვევაში თუ, ოქტომბერში მეორე ტალღა იქნება და საგანგებო მდგომარეობის გამოცხადება გახდება საჭირო, არჩევნების თარიღი გადაიწევს.

კონსტიტუციის თანახმად, არჩევნები საგანგებო მდგომარეობის გაუქმებიდან არაუადრეს 45 და არაუგვიანეს 60 დღისა ტარდება. პარლამენტს 4 წლის ვადით ირჩევენ.

რა შეიცვლება არჩევნების თარიღის გადაწევის შემთხვევაში და როდის დაკომპლექტდება მე-10 მოწვევის პარლამენტი? ამ თემასთან დაკავშირებით PIA.GE კონსტიტუციონალისტ ავთანდილ დემეტრაშვილს ესაუბრა.

მისი განმარტებით, იმ შემთხვევაში თუ, ოქტომბერში საგანგებო მდგომარეობა გამოცხადდება და არჩევნების თარიღი დეკემბერში გადაიწევს, მე-10 მოწვევის პარლამენტი, მეორე ტურის გათვალისწინებით, თებერვლის დასაწყისში დაკომპლექტდება. შედეგად, მე-9 მოწვევის პარლამენტის უფლებამოსილების ვადა გაიზრდება და იქნება 4 წელი და 4 თვე, შემდეგი, მე-11 მოწვევის პარლამენტის მუშაობის პერიოდი სრულიად 4 წელი არ გამოვა და იქნება 3 წელი და 8 თვე.

"რა ინფორმაციაც გავრცელდა, აპირებენ კონსტიტუციაში ცვლილების შეტანას, ოქტომბრის ნაცვლად დააფიქსირებენ სხვა თარიღს. კონსტიტუციის თანახმად, საპარლამენტო არჩევნები ოქტომბრის ბოლო შაბათ დღეს ტარდება, ცვლილების შემთხვევაში ალბათ ამოიღებენ ამ თარიღს და პარლამენტი აირჩევა 4 წლით. თუ ცვლილება არ განხორციელდება, მაშინ მე-11 მოწვევის პარლამენტის უფლებამოსილების ვადა 4 წელზე ნაკლები იქნება. თუმცა საკონსტიტუციო ცვლილების შესახებ მე ოფიციალური პირებისგან ზუსტი ინფორმაცია არ გამიგია.

უკვე დიდი ხანია საუბარი მიდის იმაზე, რამდენად მართებულია არჩვნების ზუსტი თარიღის დადგენა. სიტუაციები იცვლება, მითუმეტეს ახლა პანდემიაა. თუ სიტუაცია ასე გაგრძელდა, შეიძლება არჩევნები ვერც დეკემბერში ჩატარდეს, უნდა დაველოდოთ მოვლენებს", - აღნიშნა ავთანდილ დემეტრაშვილმა.

კონსტიტუციონალისტი ფიქრობს, რომ არჩევნების ჩატარების სავარაუდო თარიღად დეკემბრის დასახელება საზოგადოებრივი აზრის მოსინჯვა იყო და არა საბოლოო გადაწყვეტილება. ამ ეტაპზე რთულია საუბარი, ოქტომბერში როგორი ეპიდემიოლოგიური ვითარება იქნება და გამოცხადდება თუ არა საერთოდ საგანგებო მდგომარეობა.

"რამდენი ხანია ბოძაშვილი ამბობს, ელექტრონული არჩევნები ჩავატაროთ. არც ეს არის გამორიცხული, რომ ამაზე შეთანხმდნენ. აქ არის პოლიტიკური კლასის, როგორც უმრავლესობის, ასევე ოპოზიციის ეგოისტური ინტერესები. როგორც მმართველი გუნდი, ასევე ოპოზიცია ცდილობს, თავის ეგოისტურ პოლიტიკურ ინტერესს მოარგონ არჩევნების თარიღი.

ვერ გეტყვით, რომელს უნდა აწყობდეს ეს. მე ჯერ არ ვიცი პოლიტიკური ლანდშაფტი როგორია, პოლიტიკური ძალთა კონფიგურაცია, თანაფარდობა. ისე, ზოგადად რომ ვთქვათ, უფრო მეტი ინტერესი ამაში, რა თქმა უნდა, აქვს მსხვილ პარტიებს, როგორიცაა მმართველი პარტია და "ნაციონალური მოძრაობა". ოპოზიციაში რაღაც პროცესები მიდის, შეიძლება ამის გამო ისინიც იყვნენ დაინტერესებული", - აღნიშნა ავთანდილ დემეტრაშვილმა PIA.GE-სთან საუბრისას.

2020 წლის საპარლამენტო არჩევნების მოდელთან დაკავშირებით, საკონსტიტუციო ცვლილების პროექტის განხილვა პარლამენტში მიმდინარე კვირას დაიწყება.

პროექტის თანახმად, 2020 წლის საპარლამენტო არჩევნები 120/30-ზე მოდელით და 1%-იანი ბარიერით ჩატარდება. 120/30-ზე მოდელი გულისხმობს, რომ პარლამენტში პროპორციული სიით 120 დეპუტატი შევა, მაჟორიტარი კი 30 იქნება.

„ნაციონალური მოძრაობის“ წევრი

„სააკაშვილი გლდანის ციხეში გადაყვანის კადრების გასაჯაროებას ითხოვს“ -...

„ნაციონალური მოძრაობის“ წევრმა ეკა ხერხეულიძემ რუსთავის პენიტენციურ დაწესებულებაში ექსპრეზიდენტ მიხეილ სააკაშვილის მონახულების შემდეგ ჟურნალისტებთან ისაუბრა. 
24 იანვრის ვაჭრობის შედეგად აშშ დოლარი გაუფასურდა და 3.0763 ლარი შეადგინა. კურსი, რომელიცდღეს მოქმედებდა, 3.0794 ლარი იყო. შესაბამისად, დოლარის ცვლილებამ ეროვნულ ვალუტასთანმიმართებით 0.31 თეთრი შეადგინა.
1643029759
ევროკომისიის თავმჯდომარე ურსულა ფონ დერ ლაიენის განცხადებით, ევროკავშირი აპირებს, რომ უკრაინას 1.2 მილიარდი ევროს ფინანსური დახმარების პაკეტი შესთავაზოს, - ამის შესახებ Reuters-ი იუწყება. 
1643029419
საქართველოში კიდევ ერთი მნიშვნელოვანი ნაბიჯი გადაიდგა ელექტროენერგიის კომუნალურ სეგმენტში პრობლემების მინიმუმამდე დაყვანისთვის. კერძოდ, დაინერგა მრიცხველების წაკითხვის ერთიანი სისტემა, რითაც მოწესრიგდა მოხმარებული ელექტროენერგიის აღრიცხვიანობა. როგორც ენერგეტიკოსები განმარტავენ, მრიცხველები, მთელი თბილისის მასშტაბით ყოველი თვის ბოლო 4 დღეში წაიკითხება. ახალი სისტემის ამოქმედება ნიშნავს, რომ აღარ ექნება ადგილი არასწორი საფეხურებრივი ტარიფით დარიცხვის შემთხვევებს, იმოქმედებს გადახდის სპეციალური, მორგებული ვადები პენსიონერებისა და სოციალურად დაუცველებისთვის. 
1643032164
საქართველოს თავდაცვის სამინისტროს ევროკავშირის სადამკვირვებლო მისიის ხელმძღვანელი, ელჩი მარეკ შჩიგელი ესტუმრა. თავდაცვის სამინისტროში ვიზიტის ფარგლებში მისიის ხელმძღვანელი საქართველოს თავდაცვის მინისტრის პირველ მოადგილეს, ლელა ჩიქოვანს და თავდაცვის ძალების მეთაურს, გენერალ-მაიორ გიორგი მათიაშვილს შეხვდა.
1643031889
სოფლის განვითარების სააგენტოს ლოგო

სოფლის განვითარების სააგენტო, პირველი თებერვლიდან, „საპილოტე რეგიონები...

საქართველოს ოთხ საპილოტე რეგიონში - იმერეთში, კახეთში,  გურიასა  და რაჭა-ლეჩხუმ-ქვემო სვანეთში,  მცირე და საშუალო ბიზნესის ხელშეწყობის  მიზნით, დაფინანსდება  ახალი საწარმოების შექმნა, არსებული საწარმოების გაფართოება ან გადაიარაღება. პროგრამა გულისხმობს როგორც ძირითადი, ასევე საბრუნავი საშუალებების დაფინანსებას.
გურჯაანში კაცი ბრმა ტყვიას ემსხვერპლა
გურჯაანში, კოლაგის ტყეში ბრმა ტყვიას კაცი ემსხვერპლა. არსებული ინფორმაციით, სანადიროდ წასული ორი პირიდან ერთ-ერთმა თანასოფლელი შემთხვევით გასროლილი ტყვიით სასიკვდილოდ დაჭრა.
პრემიერ-მინისტრმა სპეციალური საგამოძიებო სამსახურის უფროსისა და პერსონ...
საქართველოს პრემიერ-მინისტრმა ირაკლი ღარიბაშვილმა სპეციალური საგამოძიებო სამსახურის უფროსისა და პერსონალურ მონაცემთა დაცვის სამსახურის უფროსის კანდიდატურების შესარჩევი საკონკურსო კომისიების პირველი სხდომა გახსნა, რომელიც დღეს მთავრობის ადმინისტრაციაში გაიმართა.
შალვა პაპუაშვილი: დღეს მთავარი ამოცანაა უკრაინაში ახალი ომის არდაშვება...
„მინდა სოლიდარობა გამოვუცხადო მოძმე უკრაინას საკუთარი ქვეყნის სუვერენიტეტზე და ხალხის უსაფრთხოებაზე ზრუნვის საკითხში. აბსოლუტურად მიუღებელია ნებისმიერი ქვეყნის მხრიდან სხვა ქვეყნის სუვერენიტეტის თუ ტერიტორიული მთლიანობის კითხვის ნიშნის ქვეშ დაყენება“, - ამის შესახებ პარლამენტის თავმჯდომარემ შალვა პაპუაშვილმა ბიუროს სხდომაზე განაცხადა.