პოლიტიკა

7-8 წლის შემდეგ საქართველოში სიღარიბე აღარ იქნება - ნიკოლოზ სამხარაძე

საგარეო ურთიერთობათა კომიტეტის თავმჯდომარე ნიკოლოზ სამხარაძე
1663940474
დაკოპირებულია

საპარლამენტო უმრავლესობის წარმომადგენლის ნიკოლოზ სამხარაძის თქმით, საქართველოში ეკონომიკა იზრდება ისე, როგორც არავისთან სამეზობლოში. 

დეპუტატის თქმით, თუ მომავალი 6-7 წელი ასეთივე ეკონომიკური ზრდა იქნება ქვეყანაში, 7-8 წლის თავზე საქართველოში სიღარიბე აღარ იქნება. 

„ეკონომიკის ზრდის შესახებ შენ ვერავის მოატყუებ, ვერც საკუთარ მოსახლეობას და ვერც საერთაშორისო პარტნიორებს. იმიტომ რომ ეს ყველაფერი ციფრებში აისახება და იცით, რომ მათემატიკა არის ზუსტი მეცნიერება, სტატისტიკაც... შესაბამისად, სტატისტიკური მაჩვენებლებით ჩვენი ეკონომიკა იზრდება და ისე იზრდება როგორც არავისთან, მაგალითად ჩვენს სამეზობლოში. 

დღეს გვაქვს ის რეალობა, როდესაც საქართველოში არის სამწუხაროდ სიღარიბე, თუმცა თუ მომავალი 6-7 წელი ასეთივე ზრდა გვექნება, მაშინ შემიძლია გითხრათ, რომ 7-8 წლის თავზე საქართველოში სიღარიბე აღარ იქნება“, - აღნიშნა სამხარაძემ პარლამენტში მედიასთან საუბრისას.