„ან არ იცის, ან უნდა, საზოგადოება შეცდომაში შეიყვანოს, ან თვითონ არის შეცდომაში შეყვანილი“ - გია ვოლსკი სალომე ზურაბიშვილზე
1658489823
საპარლამენტო უმრავლესობის წევრი გია ვოლსკი სალომე ზურაბიშვილის განცხადებას გამოეხმაურა, რომელმაც აღნიშნა, რომ საქართველოს ომში ჩართვის სურვილი არა აშშ-ს და ევროპას კი არ აქვს, არამედ ეს ემთხვევა რუსეთის რიტორიკას. ვოლსკის თქმით, ასეთი განცხადებების დროს პრეზიდენტს მეტი ანალიზის უნარი მართებს.
„რაც შეეხება რუსულ თემას, ან არ იცის, ან უნდა, რომ საზოგადოება შეცდომაში შეიყვანოს, ან თვითონ არის შეცდომაში შეყვანილი. არა თუ რუსული თემა არ არსებობს, რუსულ თემასთან დაკავშირებით შემიძლია ვთქვა, პირველი, ეს არის ის, რომ ჩვენ მოვიგეთ და ვაგრძელებთ მუშაობას და საერთაშორისო ტრიბუნალი აგრძელებს მუშაობას, რათა ეს დანაშაულები, რაც რუსეთმა ჩაიდინა საქართველოში, ეს მიმდინარე პროცესი დაასრულოს. სტრასბურგის სასამართლოში მოვუგეთ რუსეთს და ესეც მიმდინარე პროცესია და განგრძობით ოკუპაციაზე გვაქვს საუბარი. რაც შეეხება უკრაინასთან მიმართებით, არც ერთ საერთაშორისო პოლიტიკურ დოკუმენტს არ ჩამოვრჩით და ავტორები არ გავხდით, არამედ იქაც რუსეთის წინააღმდეგ საერთაშორისო ტრიბუნალში არის საკითხი შეტანილი. აი, ამ საკითხებზე ლაპარაკის დროს, მე მგონი, სალომე ზურაბიშვილს უფრო სიღრმისეული ანალიზის გაკეთება მართებს“, - განაცხადა ვოლსკიმ.
ასევე დაგაინტერესებთ:
