„არსებულმა პოლიტიკურმა სპექტრმა ტოქსიკური გახადა პოლიტიკური გარემო“ - იაგო ხვიჩია
1657658923
არსებულმა პოლიტიკურმა სპექტრმა ტოქსიკური გახადა პოლიტიკური გარემო, დეტოქსიკაცია მხოლოდ არჩევნებს შეუძლია, დროებითი მთავრობა და სიგიჟეები ამის რეცეპტი ვერ იქნება, - ამის შესახებ პარტია „გირჩის“ ერთ-ერთმა ლიდერმა იაგო ხვიჩიამ „პირველი არხის“ ეთერში განაცხადა.
მისი თქმით, არანაირი დროებითი მთავრობა დეტოქსიკაციის რეცეპტი ვერ იქნება.
„ამ პოლიტიკურმა სპექტრმა, რომელიც ახლა არსებობს, ამ პარლამენტით და ა.შ, საკმაოდ ტოქსიკური გახადა პოლიტიკური გარემო და ჩვენ ახლა რაღაცნაირი დეტოქსიკაცია გვჭირდება, რესტარტი, რაც თავისი შინაარსით მხოლოდ არჩევნებს შეუძლია. ამ სიტუაციიდან სხვა გამოსავალი მე არ ვიცი. ასეთი ტიპის კრიზისების განმუხტვა მხოლოდ არჩევნებს შეუძლია.
არანაირი დროებითი მთავრობა და არანაირი სიგიჟეები ამის რეცეპტი ვერ იქნება. ვინაიდან ამ ექვს თვეში არჩევნებს ვერ მოვასწრებთ, ეს ამწუთას წარმოუდგენლად ჩანს, გვჭირდება ის, რომ წინასწარ განვაცხადოთ, მომავალში როგორ არჩევნებს ჩავატარებთ, რომ ხმების მოპარვაზე არ ვართ ორიენტირებული და ვატარებთ პროპორციულ არჩევნებს ბუნებრივი ბარიერით“, - აცხადებს იაგო ხვიჩია.
აგრეთვე წაიკითხეთ:
👉 „ხელისუფლებაში მყოფთა პასუხისმგებლობაა, უზრუნველყონ თავისუფალი და ღია მედიაგარემო“ - კელი დეგნანი
