პოლიტიკა

ბიძინა ივანიშვილი: პოლიტიკაში შემოსვლა, ალბათ, მართლაც ყველაზე ფასეულია, რაც ცხოვრებაში გამიკეთებია

ქართული ოცნება დემოკრატიული საქართველოს თავმჯდომარე ბიძინა ივანიშვილი Pia.ge
1610394971
დაკოპირებულია

„არასდროს განვიხილავდი საკუთარ თავს, ტიპიურ პოლიტიკოსად, კლასიკური გაგებით. ყველაფერი, რაც თან სდევს პოლიტიკას, განსაკუთრებით, წარმატებულს - ძალაუფლება, საჯაროობა და ასე შემდეგ, ჩემი ხასიათიდან გამომდინარე, მხოლოდ დისკომფორტის მიქმნიდა და გულახდილად გეტყვით, ერთი სული მქონდა, როდის დასრულდებოდა ჩემი და ჩემი ოჯახის ცხოვრებაში ეს ეტაპი“- ასე პასუხობს „ქართული ოცნება-დემოკრატიული საქართველოს“ თავმჯდომარე ბიძინა ივანიშვილი ჟურნალ entrepreneur-ის კითხვას, რომელიც ვადაზე ადრე ხელისუფლებიდან ნებაყოფლობითი წასვლის უპრეცედენტო გადაწყვეტილებას ეხება და რომელიც, ჟურნალისტის თქმით, უნიკალურია იმითაც, რომ ბიძინა ივანიშვილი უკვე მეორედ, ნებაყოფლობით თმობს ძალაუფლებას მაშინ, როდესაც დემოკრატიული, ანუ სახალხო ლეგიტიმაციის პიკშია, „ქართული ოცნების“ ლიდერი პასუხობს, რომ პოლიტიკაში მის მონაწილეობას  კონკრეტული მიზნები და ამოცანები ჰქონდა, რომელთა შესრულების შემდეგ პოლიტიკიდან წასვლა გადაწყვიტა.

„პოლიტიკაში ჩემს მონაწილეობას ჰქონდა კონკრეტული მიზნები და ამოცანები, რომელთა შესახებ ჩემს განცხადებაში ვრცლად უკვე ვისაუბრე და რომელთა შესრულების შემდეგ, მივიღე გადაწყვეტილება, სამუდამოდ ჩამოვშორდე პოლიტიკას. მე არასდროს განვიხილავდი საკუთარ თავს, ასე ვთქვათ, ტიპიურ პოლიტიკოსად, კლასიკური გაგებით. ყველაფერი, რაც თან სდევს პოლიტიკას, განსაკუთრებით, წარმატებულს - ძალაუფლება, საჯაროობა და ასე შემდეგ, ჩემი ხასიათიდან გამომდინარე, მხოლოდ დისკომფორტის მიქმნიდა და გულახდილად გეტყვით, ერთი სული მქონდა, როდის დასრულდებოდა ჩემი და ჩემი ოჯახის ცხოვრებაში ეს ეტაპი“ - აცხადებს ბიძინა ივანიშვილი.

მისივე თქმით, თავს ვალდებულად თვლიდა, ვალი მოეხადა ქვეყნისა და ხალხის წინაშე, რაც პოლიტიკაში უშუალო მონაწილეობის გარეშე შეუძლებელი იყო.

„ხაზგასმით მინდა აღვნიშნო, რომ არანაირად არ მსურს, დავაკნინო პოლიტიკოსის პროფესია. მიმაჩნია, რომ ეს ერთ-ერთი ყველაზე სერიოზული, საპასუხისმგებლო და საპატიო საქმიანობის სფეროა. ამ წლების განმავლობაში ბევრ პოლიტიკოსთან მომიწია ურთიერთობა, როგორც ჩვენს გუნდში, ისე საერთაშორისო მასშტაბით და მათ აბსოლუტურ უმრავლესობაზე უაღრესად დადებითი აზრის ვარ. ნებისმიერ, მათ შორის, პოლიტიკოსის პროფესიას, თავისი, თუ შეიძლება ითქვას, ბუნებრივი დიალექტიკა აქვს და სამოტივაციო ნაწილი ახლავს - თვითრეალიზაციის შესაძლებლობა და ჯანსაღი ამბიცია, სწორი მიმართულებით ატაროს ქვეყანა, კარიერული წინსვლის პერსპექტივა, ნორმალური ანაზღაურება, ბოლოსდაბოლოს. ეს სრულიად ნორმალური სამოტივაციო ნაწილია ნებისმიერ პროფესიაში და პოლიტიკა ვერ იქნება და არც უნდა იყოს გამონაკლისი. სხვა შემთხვევაში, პოლიტიკოსი ვერ იქნება წარმატებული. მაჩანჩალა კი, არც საკუთარ თავს გამოადგება და არც ქვეყანას. უბრალოდ, მე სხვა ვითარება და სხვა სასტარტო პოზიციები, სხვა მოტივაცია მქონდა პოლიტიკაში შემოსვლის დროს და ყველაფერი ზემოთ ნახსენები ჩემი ინტერესის სფეროს ბუნებრივად არ წარმოადგენდა. ვალდებულად ვთვლიდი თავს, მომეხადა ვალი ქვეყნის და ხალხის წინაშე, რაც პოლიტიკაში ჩემი უშუალო მონაწილეობის გარეშე შეუძლებელი იყო. ამიტომ განვაცხადე წინასწარ, რომ ეს დროებითი მოვლენაა და პოლიტიკაში დარჩენას ხანგრძლივად არ ვაპირებდი. როგორც კი მისია შესრულებულად ჩავთვალე, საბოლოოდ გავეცალე პოლიტიკას, მიუხედავად იმისა, რომ ერთხელ შემობრუნება მომიწია, რაც ასევე, მაღალი პასუხისმგებლობის გრძნობით იყო ნაკარნახევი. თავს უფლებას ვერ მივცემდი, ბოლომდე არ მიმეყვანა საქმე და მშვიდად გამეგრძელებინა კერძო ცხოვრება. ეს ყველაფერი დეტალურად მაქვს ახსნილი ახლახან გამოქვეყნებულ წერილში და თქვენი მკითხველი რომ არ გადავღალოთ, დღეს ამით შემოვიფარგლები“ - განაცხადა ბიძინა ივანიშვილმა.

ცნობისთვის, „ქართული ოცნება დემოკრატიული საქართველოს“ თავმჯდომარემ ბიძინა ივანიშვილმა პოლიტიკიდან წასვლის გადაწყვეტილება მიიღო. ამის შესახებ ივანიშვილმა 11 იანვარს განაცხადა.

„ნაციონალური მოძრაობის“ წევრი

„სააკაშვილი გლდანის ციხეში გადაყვანის კადრების გასაჯაროებას ითხოვს“ -...

„ნაციონალური მოძრაობის“ წევრმა ეკა ხერხეულიძემ რუსთავის პენიტენციურ დაწესებულებაში ექსპრეზიდენტ მიხეილ სააკაშვილის მონახულების შემდეგ ჟურნალისტებთან ისაუბრა. 
საქართველოს ნომერ პირველი ჩოგანი ნიკოლოზ ბასილაშვილი ერთ-ერთი ტელევიზიის მიერ გავრცელებულ ჩანაწერებს ეხმაურება, სადაც იგი ყოფილ მეუღლეს ნეკა დოროყაშვილს სიტყვიერ შეურაცხყოფას აყენებს. 
1643022625
პარლამენტის ბიუროს სხდომაზე უკრაინაში მიმდინარე მოვლენებზე იმსჯელეს. პარლამენტის თავმჯდომარემ, შალვა პაპუაშვილმა საქართველოს პარლამენტის სახელით სოლიდარობა გამოუცხადა უკრაინას საკუთარი ქვეყნის სუვერენიტეტზე და ხალხის უსაფრთხოებაზე ზრუნვის საკითხში. მისი განცხადებით, მთავარი ამოცანაა უკრაინაში ახალი ომის არდაშვება. მისივე თქმით, საქართველოს ხელისუფლებას მჭიდრო კომუნიკაცია აქვს დასავლელ პარტნიორებთან და მოქმედებს აღნიშნული კომუნიკაციის შესაბამისად.
1643028826
„მე მგონი ბოლო ილუზიები გაიფანტა იმასთან დაკავშირებით, რატომ და ვის მიერ იქნა შემოგდებული ტრაილერით საქართველოში სააკაშვილი სწორედ იმ დროს, როდესაც მრავალ ლოკაციაზე ერთდროულად უნდა აფეთქებულიყო პოლიტიკური ვითარება: ყაზახეთი იქნებოდა ეს, უკრაინა თუ საქართველო“, - წერს სოციალურ ქსელში ექსპერტი დავით ქართველიშვილი. 
1643027701
ჯორჯიან უოთერ ენდ ფაუერმა ქეთევან დედოფლის გამზირის სრული რეაბილიტაციის ფარგლებში წყალმომარაგების სისტემის გასაახლებლად მასშტაბური სამუშაოები დაიწყო. პროექტის მიმდინარეობისას ავლაბრის მოედნიდან ლეხ კაჩინსკის ქუჩამდე სრულად განახლდება 5,5 კმ სიგრძის წყალსადენისა და წყალარინების ქსელი.
1643027221
პრემიერ-მინისტრი ირაკლი ღარიბაშვილი Pia.ge

პრემიერ-მინისტრმა სპეციალური საგამოძიებო სამსახურის უფროსისა და პერსონ...

საქართველოს პრემიერ-მინისტრმა ირაკლი ღარიბაშვილმა სპეციალური საგამოძიებო სამსახურის უფროსისა და პერსონალურ მონაცემთა დაცვის სამსახურის უფროსის კანდიდატურების შესარჩევი საკონკურსო კომისიების პირველი სხდომა გახსნა, რომელიც დღეს მთავრობის ადმინისტრაციაში გაიმართა.
„ნაცმოძრაობამ“ ხელისუფლების დამუნათება დაიწყო, თითქოს ის არაფერს აკეთე...
„ნაციონალურ მოძრაობას“, რომელმაც 152 სოფელი ჩააბარა რუსეთს, ქვეყნის 20%-ის ოკუპაციას შეუწყო ხელი, თავისი ყალბი პატრიოტიზმით და პოლიტიკური ქულების დაწერით, კვლავ ომის რიტორიკით გვესაუბრება“, - ასე ეხმიანება facebook მომხმარებელი ნინო ფოჩხუა ოპოზიციის მოწოდებას, რომ ხელისუფლებამ მხარდამჭერი რეზოლუცია გაუგზავნოს უკრაინას. 
1643021505
„პოსტკოვიდური გართულებების გამო საქართველოს შრომისუნარიანი მოსახლეობის...
საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში პოსტკოვიდური ტალღის შესახებ წერს. 
დემაგოგიურად ცდილობენ საქართველო ჩართონ საომარ სიტუაციაში, მერე თავად...
„დაკარგა რა კანონიერი თუ უკანონო გზით ხელისუფლებაში მოსვლის ყოველგვარი იმედი საქართველოში არსებულმა მეხუთე კოლონამ „ნაცმოძრაობის“ და მისი სატელიტები სახით. ახლა სარგებლობენ იმ გამწვავებული ვითარებით რომელიც უკრაინის ირგვლივაა”,  - ამ სიტყვებით ეხმაურება ექსპერტი ედიშერ გვენეტაძე ოპოზიციის ბრალდებებს ხელისუფლების მიმართ, რომლის თანახმად ხელისუფლება არაფერს აკეთებს უკრაინის მხარდასაჭერად.