ჩვენი ოპონენტები რომ ყოფილიყვნენ ხელისუფლებაში, გარდა ბევრი სხვა უბედურებისა, ერთ-ერთი მათი საქმიანობის შედეგი ბელორუსის მიერ აფხაზეთის ე.წ. დამოუკიდებლობის აღიარება იქნებოდა - ირაკლი კობახიძე
1664475591
„ჩვენი ოპონენტები რომ ყოფილიყვნენ ხელისუფლებაში, გარდა ბევრი სხვა უბედურებისა, ერთ-ერთი მათი საქმიანობის შედეგი იქნებოდა მათ შორის ბელორუსის მიერ აფხაზეთის ე.წ. დამოუკიდებლობის აღიარება. იმ რიტორიკით, რა რიტორიკითაც ისინი დღეს მოქმედებენ, ყველანაირ უბედურებას დამართებდნენ ამ ქვეყანას“, - ამის შესახებ „ქართული ოცნების“ თავმჯდომარემ ირაკლი კობახიძემ „პალიტრანიუსის“ ეთერში განაცხადა.
მისი თქმით, ოპოზიციის ფუნქცია არის კრიტიკა, მაგრამ სადღაც არსებობს ეროვნული ინტერესები და წითელი ხაზები, მათთვის არავითარი წითელი ხაზი არ არსებობს.
„ჩვენი ოპონენტები რომ ყოფილიყვნენ ხელისუფლებაში, გარდა ბევრი სხვა უბედურებისა, ერთ-ერთი მათი საქმიანობის შედეგი იქნებოდა მათ შორის ბელორუსის მიერ აფხაზეთის ე.წ. დამოუკიდებლობის აღიარება. იმ რიტორიკით, რა რიტორიკითაც ისინი დღეს მოქმედებენ, ყველანაირ უბედურებას დამართებდნენ ამ ქვეყანას. კრიტიკას როცა ეხება საქმე, რა თქმა უნდა, ოპოზიციის ფუნქცია არის კრიტიკა, მაგრამ სადღაც არსებობს ეროვნული ინტერესები და სადღაც არსებობს ამ კუთხით წითელი ხაზები და მათთვის არავითარი წითელი ხაზი არ არსებობს“, - განაცხადა ირაკლი კობახიძემ.
