„ჩვენს მმართველობაში კარგად ჩანს, მიუხედავად ჩვენი მაღალჩინოსნებისა, იქ, სადაც არის პოტენციური დანაშაული, მიკერძოების გარეშე ვმოქმედებთ“ - ირაკლი ზარქუა სოსო გოგაშვილზე

საპარლამენტო უმრავლესობის წევრი ირაკლი ზარქუა სუსის ყოფილი მაღალჩინოსნის სოსო გოგაშვილის დაკავებას გამოეხმაურა. მისი თქმით, ჩხრეკაც და დაკავებაც სასამართლო განჩინების საფუძველზე მოხდა.

„ყველაფერი ნორმის დაცვით მოხდა. სასამართლოს განჩინების საფუძველზე არის ჩხრეკა ჩატარებული, დაკავებაც. შესაბამისად, შემდეგ ვნახავთ, რასთან გვქონდა საქმე. ერთი მინდა, ცხადად ვთქვა, რაც ჩანს და ჩვენს მმართველობაში მკაფიოდ არის გამოხატული, მიუხედავად ჩვენი მაღალჩინოსნებისა, იქ, სადაც არის პოტენციური დანაშაული ჩადენილი, ყოველგვარი მიკერძოების გარეშე მოქმედებს სასამართლო და შესაბამისი უწყებები“, - განაცხადა ზარქუა.

ცნობისთვის, სუსის უფროსის ყოფილი მოადგილე სოსო გოგაშვილი დააკავეს. როგორც სუსში აცხადებენ, გოგაშვილის სახლში ჩხრეკის ოპერაცია მოსამართლის განჩინების საფუძველზე ჩატარდა და საქმე ეხება არა ახალ, არამედ მიმდინარე სისხლის სამართლის გამოძიებას.

ასევე დაგაინტერესებთ:

👉 მეუფე იაკობი სიცრუეს უწოდებს გოგაშვილის ცოლის ინფორმაციას, თითქოს ოჯახი ლიკვიდაციის შესახებ გააფრთხილა

👉 „ერთ-ერთმა სპეცრაზმელმა ვიღაცას დაურეკა და უთხრა: საჩუქარიც ვაჩუქეთ, წარმატებულად ჩატარდა ყველაფერი, პრემიაც გვეკუთვნისო“ - სოსო გოგაშვილის მეუღლე

👉 „უკანონო გზით ჩაგვიდეს ორი იარაღი, მატერიალური დოკუმენტაცია და ინფორმაციის მატარებელი ნივთები“ - სოსო გოგაშვილის შვილი

👉 „მეუფე იაკობი ჩემს მეუღლეს ეუბნებოდა, შენზე და შენს ოჯახზე იგეგმება ლიკვიდაციაო... ბიბლიაზე დავიფიცებ ლეიბის ქვეშ ამოდეს იარაღი“ - სოსო გოგაშვილის მეუღლე

👉 „დედაჩემმა და დეიდაჩემმა დაინახა იარაღის ჩადება, ქართველი ხალხი, დარწმუნებული ვარ, გაიღვიძებს“ - სოსო გოგაშვილის შვილი