„ეჭვი მაქვს, მიშას პატიმრობა არ არის „ნაცმოძრაობისთვის“ მთავარი... შესაბამისად, ვაპირებთ მიხეილ სააკაშვილს შევხვდეთ“ - იაგო ხვიჩია

 „ნაციონალურ მოძრაობას“ გავაცანით პოზიცია, რომ მათ ღიად უნდა მოეთხოვათ მიხეილ სააკაშვილის გათავისუფლება და სანაცვლოდ, არ შეეშალათ ხელი ევროინტეგრაციის პროცესისთვის. „ნაცმოძრაობის“ წევრები ამას აღფრთოვანებით არ შეხვედრიან და ეჭვი მაქვს, რომ მიშას პატიმრობა არ არის „ნაცმოძრაობისთვის“ მთავარი. უნდათ ისრების გადატანა სადღაც სხვა საკითხებზე, მაგალითად, რომ ჩვენ „ქოცებთან“ ვართ შეკრული, მაშინ, როცა ჩვენ ვამბობთ, რომ მიხეილ სააკაშვილი ამ პროცესის ფარგლებში უნდა გადავიდეს საზღვარგარეთ სამკურნალოდ. „ნაცმოძრაობის“ ყველა წევრი თანაბრად მონდომებული არ არის იმით, რომ მიხეილ სააკაშვილმაც ამ სიტუაციით ისარგებლოს და არც ქვეყანა შევიდეს ჩიხში. აქედან გამომდინარე, ჩვენთან ბრძოლაა. ჩვენ ვაპირებთ, შევხვდეთ მიხეილ სააკაშვილს. მისი თანაგუნდელებისგან რაიმეს გაგების, მათ შორის მიშას თავისუფლებაზე, საუბრის პერსპექტივას ასე პასუხობენ, როგორც დღეს ოქრიაშვილმა გვიპასუხა. შესაბამისად, ვაპირებთ მთავარ გადაწყვეტილების მიმღებ პირს, მიხეილ სააკაშვილს ციხეში შევხვდეთ და ვუთხრათ მას, თანახმაა თუ არა იმ შეთავაზებაზე, რომელიც ჩვენ გვექნება პოლიტიკურ სპექტრზე. რაც შეიძლება მალე უნდა შევხვდეთ. მალევე მივმართავთ შალვა პაპუაშვილს, რომ დაგვრთოს ნება და წინააღმდეგი თუ არ იქნება მიხეილ სააკაშვილი ჩემი ციხეში ხილვის, მზად ვარ, მივიდე და დაველაპარაკო მას. უნდა გავიგოთ, მიხეილ სააკაშვილს რა უნდა, რადგანაც „ნაცმოძრაობიდან“ ვერ გავიგეთ, მათ რა უნდათ“, – განაცხადა იაგო ხვიჩიამ.

ასევე დაგაინტერესებთ:

👉 „სასაცილოა, როდესაც პოლიტიკური „პრასტიტუტკა“ პოლიტიკურ „წმინდანს“ აკრიტიკებს“ - იაგო ხვიჩია კახა ოქრიაშვილს პასუხობს

👉 „კახა, ჯიგარო, 2012 წლამდე „ნაცი“ იყავი, 2016-ში გაქოცდი, 2020-ში ისევ განაცდი და 2024-ში ისევ ქოცობა გიწევს“ - ლევან იოსელიანი ოქრიაშვილს პასუხობს

👉 „ქუჩიდანაც რომ ვერაფერს აკეთებ, კეთილი ინებე და მოლაპარაკების მაგიდასთან დაჯექი“ - ლევან იოსელიანი ოპოზიციას

👉 „საპარლამენტო ოპოზიციის მონაწილეობით მზადდება ახალი შეთქმულება ქართველი ხალხის წინააღმდეგ, გაფრთხილებთ, ხალხის რისხვას ვერ გადაურჩებით“ - შალვა ნათელაშვილი

👉 „კახა ოქრიაშვილი იმდენად ბრიყვია, რომ იმასაც კი ვერ ხვდება, რას ლაპარაკობს“ - ვახტანგ მეგრელიშვილი