პოლიტიკა

ელენე ხოშტარია აკეთებს რუსეთის საქმეს, ებრძვის პროკურატურას, იმიტომ, რომ პროკურატურამ რუსეთს საქმე მოუგო, ებრძვის იმ პროკურორს, რომელიც ქოლცენტრების საქმეს იძიებს - რატი იონათამიშვილი

 იურიდიულ საკითხთა კომიტეტის წევრი რატი იონათამიშვილი
1656002700
დაკოპირებულია

„ელენე ხოშტარია აკეთებს რუსეთის საქმეს, ებრძვის პროკურატურას, იმიტომ, რომ პროკურატურამ რუსეთს საქმე მოუგო, ებრძვის იმ პროკურორს, რომელიც ქოლცენტრების საქმეს იძიებს“, - ამის შესახებ ფრაქცია „ქართული ოცნების“ თავმჯდომარის მოადგილემ რატი იონათამიშვილმა „ქრონიკას“ განუცხადა. 

მისი თქმით, სწორედ პროკურორი სადრაძე იკვლევს ქოლცენტრების საქმეს, ანუ, იმ საქმეს, რომლის კვალიც გადის კეზერაშვილზე და გასაგებია, ვის დაკვეთას ასრულებს ამ შემთხვევაში ხოშტარია.

„პროკურატურის მენეჯერები არიან ის ადამიანები, ვისი გამოძიებული საქმითაც საქართველომ სტრასბურგში მოუგო საქმე რუსეთს აგვისტოს ომთან დაკავშირებით. სწორედ მათ მიერ გამოკვლეული საქმეები დაედო საფუძვლად საქართველოს გამარჯვებას რუსეთის ფედერაციის წინააღმდეგ. მეორეს მხრივ, პროკურორ სადრაძეს რატომ არჩევს ეს ადამიანი. თუ დავაკვირდებით, სწორედ სადრაძე იკვლევს ქოლცენტრების საქმეს, ანუ, იმ საქმეს, რომლის კვალიც გადის კეზერაშვილზე და გასაგებია, ვის დაკვეთას ასრულებს ამ შემთხვევაში ხოშტარია. საინტერესო სურათი იკვრება. ხოშტარია აკეთებს რუსეთის საქმეს, ებრძვის პროკურატურას, იმიტომ, რომ მოუგო პროკურატურამ საქმე რუსეთს, ებრძვის იმ პროკურორს, რომელიც ქოლცენტრების საქმეს იძიებს. ის ამით აკეთებს რუსეთის საქმეს“, - განაცხადა რატი იონათამიშვილმა.

ინფორმაციისთვის, პარტია „დროას“ ლიდერი ელენე ხოშტარია მოსამართლეებისა და ბიზნესმენების შემდეგ ასახელებს პროკურორებს, რომელთა დასანქცირებასაც ითხოვს.

პროკურორებს, რომლებსაც ელენე ხოშტარია ასახელებს, არიან: მთავარი პროკურორი ირაკლი შოთაძე, პროკურორები ოთარ ფარცხალაძე, ჯარჯი წიკლაური, ამირან გულუაშვილი და რევაზ ბაღაშვილი, რომლებიც, ხოშტარიას თქმით, ხელს უწყობენ საქართველოში არსებულ ოლიგარქიული სისტემის არსებობას.