„ჯერ გადახტეს და „ჰოპ“ მერე დაიძახოს“ - ხაბეიშვილი მელიაზე
1674631594
„ერთიანი ნაციონალური მოძრაობის“ თავმჯდომარეობის კანდიდატი ლევან ხაბეიშვილი ამავე პარტიის თავმჯდომარის, ნიკა მელიას ბრიფინგს გამოეხმაურა.
მისი თქმით, მელიამ რეპრესიები ნაადრევად დაიწყო.
„ჯერ გადახტეს და „ჰოპ“ მერე დაიძახოს. რომ გავიმარჯვებო, „ნაციონალური მოძრაობიდან“ ყველას გავყრიო იძახის. ეს ცოტა უცნაურია, ჯერ აირჩიონ და მერე გაათავისუფლოს, ცოტა ადრე დაიწყო რეპრესიები. მე მგონია, რომ თამაშს ემსგავსება ეს ყველაფერი, დამარცხებული კანდიდატი გენერალურ მდივანს როგორ დანიშნავს, არ ვიცი“, - განაცხადა ხაბეიშვილმა „ტვ პირველთან“ საუბრისას.
ცნობისთვის, „ნაციონალური მოძრაობის“თავმჯდომარის ნიკა მელიას განცხადებით, პარტიის არჩევნებში მისი გამარჯვების შემთხვევაში, „ნაციონალური მოძრაობის“ გენერალური მდივნის თანამდებობაზე გიორგი კირთაძე დაინიშნება.
ასევე დაგაინტერესებთ:
👉 რუსეთმა უკრაინის ინფრასტრუქტურას 138 მილიარდი დოლარის ზიანი მიაყენა
