პოლიტიკა

კახა კალაძე: ვისურვებდი ჩვენი ქვეყნის ინტერესებისთვის გაერთიანება შეგვეძლოს

თბილისის მერი საკრებულოში
1608917200
დაკოპირებულია

„ჩემი, როგორც მერის ამოცანაა, თბილისი იყოს მწვანე, მოწესრიგებული ტრანსპორტით, უკეთესი სოციალური დაცვის მექანიზმებით, ძლიერი ეკონომიკით, მოწესრიგებული განაშენიანებით, კომფორტული და სიცოცხლით სავსე ქალაქი“, - ამის შესახებ თბილისის მერმა საკრებულოში სიტყვით გამოსვლისას განაცხადა.

კახა კალაძემ მოსახლეობას დამდეგი შობა-ახალი წელი მიულოცა და აღნიშნა, რომ მისთვის ძალიან დიდი სტიმულია ადამიანების განწყობა და დამოკიდებულება.

„ძალიან ამაყი ვარ, რომ მომიწია ჩემი ქვეყანა მსოფლიო ასპარეზზე მესახელებინა. გამეტანა საქართველოს სახელი საზღვრებს გარეთ. ახლა კი, მაქვს პატივი ჩემს ქალაქსა და მოქალაქეებს ვემსახურო ჩემს გუნდთან ერთად, იმ ადამიანებთან ერთად ვინც ყოველდღიურად შრომობთ, ენერგიას არ ზოგავთ ამ ქალაქის, აქ მცხოვრები ადამიანებისთვის აკეთებთ მაქსიმუმს. ის განწყობა და დამოკიდებულება, რასაც ჩვენ ვგრძნობთ ყოველდღიურად თბილისელების მხრიდან, არის ძალიან დიდი სტიმული და გვაძლევს დამატებით ენერგიას, 24 საათის განმავლობაში ვემსახუროთ თბილისსა და თბილისელებს“, - განაცხადა კახა კალაძემ.

დედაქალაქის მერმა სიტყვით გამოსვლისას ქვეყანაში არსებულ პოლიტიკურ ვითარებაზეც გაამახვილა ყურადღება და აღნიშნა, რომ ოპოზიციის მხრიდან გადადგმული უპასუხისმგებლო ნაბიჯები, არა რომელიმე კონკრეტულ პარტიას, არამედ სახელმწიფოს აზიანებს.

„გვერდს ვერ ავუვლით იმ ვითარებას, რაც პოლიტიკურ სპექტრში არსებობს. სამწუხაროდ ეს არის დაპირისპირებაზე აგებული პოლიტიკური სპექტრი, რადიკალური ძალებით სავსე ოპოზიცია, რაც ვფიქრობ ძალიან ცუდია და ზოგადად სახელმწიფოსთვის არ არის სასარგებლო. ჩვენ გასული თვეების განმავლობაში ოპოზიციის მხრიდან მოდელირებული გაყალბების ქრონიკა ვიხილეთ და მათი მხრიდან, აბსოლუტურად უპასუხისმგებლო ნაბიჯები რომელიც ჩვენს სახელმწიფოს აზიანებს და არა რომელიმე კონკრეტულ პოლიტიკურ პარტიას. ჩვენ „ქართულმა ოცნებამ“, როგორც პასუხისმგებლიანმა ძალამ განვაცხადეთ, რომ ჩვენს სასარგებლოდ 1 %-იანი ცდომილებაც, რომ ყოფილიყო დაფიქსირებული, მზად ვიყავით შემხვედრი ნაბიჯები გადაგვედგა და ოპოზიციის მოთხოვნებზე რეაგირება მოგვეხდინა, თუმცა მათი მხრიდან ისევ უარი, დესტრუქცია და შეურაცხყოფა მივიღეთ. ჩვენ, რა თქმა უნდა, ამ ნაბიჯის გადასადგმელად დღესაც მზად ვართ“, - აღნიშნა კახა კალაძემ.

თბილისის მერის თქმით, 2020 წლის საპარლამენტო არჩევნები ქართული ოპოზიციის გარდა ყველამ აღიარა.

„ფაქტია, რომ 2020 წლის საპარლამენტო არჩევნები ყველამ აღიარა, გარდა ქართული ოპოზიციისა. ისინი ეწინააღმდგებიან საქართველოს მოქალაქეებს, საერთაშორისო სადამკვირვებლო მისიას, ავტორიტეტულ ორგანიზაციებსა და ჩვენი ქვეყნის სტრატეგიულ პარტნიორ, დასავლელ მეგობრებსა და დასავლურ ინსტიტუტებს. ეს არის ძალიან სამწუხარო ვითარება, რადგანაც ჩვენ ერთად უნდა ვიდგეთ ქვეყნის წინაშე არსებულ გამოწვევებთან, იქნება ეს გლობალური პანდემია, რთული რეგიონალური კონტექსტი თუ სხვა საკითხები, რასთან გამკლავებაც სახელმწიფოებრივი საკითხია. დესტრუქცია და რევანშზე ორიენტირებული ნაბიჯები კი ამ ერთსულოვნებას, რა თქმა უნდა, საფრთხეს უქმნის“,- განაცხადა კახა კალაძემ.

მისივე განცახადებით, მისი სურვილია ქართული პოლიტიკა ჰგავდეს არა ქაოსს, არამედ ქართულ პოლიფონიას და განსხვავებული პოლიტიკური შეხედულებების მიუხედავად, ქვეყნის ინტერესებისთვის გაერთიანება შესაძლებელი იყოს.

„ვისურვებდი, რომ ახალი 2021 წელი ყოფილიყოს მშვიდობის, ჯანმრთელობის, ერთმანეთის სიყვარულისა და რაც მთავარია, გაერთიანების, სოლიდარობის წელი. ვისურვებდი ჩვენი ქვეყნის ინტერესებისთვის გაერთიანება შეგვძლებოდეს, მიუხედავად იმისა როგორი განსხვავებული პოზიციები და განსხვავებული პოლიტიკური შეხედულებებიც არ უნდა გვქონდეს. ქართულ კულტურაში განსხვავებულობის ერთობით საერთო ჰარმონიის შექმნის უდიდესი ტრადიცია ათასწლეულებია არსებობს.

ვისურვებდი, რომ ქართული პოლიფონიის მრავალჟამიერის მსგავსად, პოლიტიკაშიც შეგვეძლოს განსხვავებული აზრების მიუხედავად საერთო საქმის კეთება. ვისურვებდი, რომ ქართული პოლიტიკა ჰგავდეს არა ქაოსს, არამედ ქართულ პოლიფონიას. მჯერა, რომ ერთსულოვნებით, ერთიანი ძალისხმევით 2024 წელს ევროკავშირის წევრობაზე განაცხადის გაკეთებას შევძლებთ და ძალიან მალე გავხდებით იმ დიდი ოჯახის წევრი, რასაც ევროპა ჰქვია. რა თქმა უნდა, ამ მიმართულებით ძალიან ბევრია სამუშაო“, - განაცხადა კახა კალაძემ.

ა;ერგოლოგ-იმუნოლოგი

როდის უნდა გაკეთდეს ბუსტერ დოზა - ბიძინა კულუმბეგოვის განმარტება

რა დრო უნდა იყოს გასული ინფიცირებიდან და ვაქცინაციიდან, რომ მოქალაქემ ბუსტერ დოზის გაკეთება შეძლოს - ამ კითხვას ექიმი ალერგოლოგ-იმუნოლოგი ბიძინა კულუმბეგოვი პასუხობს.
1643360099
ტაჯიკეთ-ყირგიზეთის საზღვარზე შეტაკებას 2 ადამიანის სიცოცხლე ემსხვერპლა, - ამის შესახებ ინფორმაციას „ალ-ჯაზირა“ ავრცელებს. 
1643364403
ექსპრეზიდენტი მიხეილ სააკაშვილი გორის სამხედრო ჰოსპიტალში მაჯის საათის წართმევის ეპიზოდს კიდევ ერთხელ იხსენებს და აღნიშნავს, რომ კლინიკის დირექტორის მრჩეველი დავით ღონიაშვილი მის მიმართ სიძულვილით გამოირჩეოდა, რის გამოც მას ჩანაწერების შენახვა სთხოვა. 
1643364376
რუსეთმა შავი ზღვის წყლებში სამხედრო ხომალდების საარტილერიო სწავლებები დაიწყო, - ამის შესახებ Reuters იუწყება. 
1643361331
„მომავალი ორი კვირა იქნება საკმაოდ კრიტიკული“, - ამის შესახებ „ნიუ ჰოსპიტლის“ კრიტიკული მედიცინის დეპარტამენტის ხელმძღვანელმა ვახტანგ კალოიანმა განაცხადა. 
1643356233
იურიდიულ საკითხთა კომიტეტის თავმჯდომარე ანრი ოხანაშვილი

ანრი ოხანაშვილი ევროკავშირის წარმომადგენლებს შეხვდა

იურიდიულ საკითხთა კომიტეტის თავმჯდომარე ანრი ოხანაშვილი საქართველოში ევროკავშირის ელჩის მრჩეველს, ჟულიენ კრამპს და ადამიანის უფლებებისა და მართლმსაჯულების პროგრამის მრჩეველს, ანე ბირგიტე ჰენსენს.
დიდი შანსია, რუსეთი უკრაინაში თებერვალში შეიჭრას - ბაიდენი ზელენსკის 
CNN-ის ცნობით, ამერიკის პრეზიდენტმა, ჯო ბაიდენმა, უკრაინის პრეზიდენტ, ვოლოდიმირ ზელენსკისთან, სატელეფონო საუბრისას უთხრა, რომ არსებობს „აშკარა შესაძლებლობა“ რუსეთი თებერვალში უკრაინაში შეიჭრას,- ამის შესახებ ინფორმაციას თეთრი სახლის ეროვნული  უშიშროების საბჭოს სპიკერი, ემილი ჰორნი ადასტურებს.
„სახელმწიფო მიწების დატაცების უფლება არავის აქვს“ - კახა კალაძე უკანონ...
„არავის მიეცემა შესაძლებლობა, სახელმწიფო მიწები დაიტაცოს და უკანონო მშენებლობა აწარმოოს“, - ამის შესახებ თბილისის მერმა კახა კალაძემ სამგორის რაიონში უკანონოდ აშენებული შენობა-ნაგებობის დემონტაჟის შესახებ, მედიასთან განაცხადა.
ნაძალადევის რაიონში მცხოვრებ 99 ოჯახს საკუთრების დამადასტურებელი მოწმო...
თბილისის მერმა კახა კალაძემ  ნაძალადევის რაიონში მცხოვრებ 99 ოჯახს საკუთრების დამადასტურებელი მოწმობები გადასცა. დედაქალაქის მერის თქმით, 2017  წელს დაწყებული პროგრამის ფარგლებში საცხოვრებელი ფართები 2000-ზე მეტ ოჯახს დაუკანონდა.