„ყველაზე ეფექტური გზა სალომე ზურაბიშვილის მიერ გადაწყვეტილების მიღებაა“ - ბასილაია სააკაშვილის გათავისუფლებაზე
1634287191
მესამე პრეზიდენტის მიხეილ სააკაშვილის ადვოკატი ბექა ბასილაია აცხადებს, რომ სააკაშვილის გათავისუფლებისთვის ყველაზე ეფექტური გზა პრეზიდენტ სალომე ზურაბიშვილის მიერ გადაწყვეტილების მიღება იქნება.
ადვოკატ ბასილაიას თქმით, სალომე ზურაბიშვილმა მოვლენებს დაასწრო და განაცხადა, რომ მესამე პრეზიდენტს არ შეიწყალებს.
„საუბარი გვექნება მისი გათავისუფლების სამართლებრივ გზებზე, რაზედაც რეალურად საქართველოს ხელისუფლება უნდა ფიქრობდეს. პირველ რიგში, ყველაზე ეფექტური გზა არის სალომე ზურაბიშვილის მიერ გადაწყვეტილების მიღება. მან სამწუხაროდ, დაასწრო მოვლენებს და თავიდან დაიჭირა ისეთი პოზა, რომ მსგავს გადაწყვეტილებას არ მიიღებდა.
ჩვენ გვაქვს პრეცედენტები, როდესაც პოლიტიკურ საქმეებზე, მიუხედავად მის მიერ ადრე გაკეთებული განცხადებებისა, მან მიიღო პოლიტიკურ პატიმართა გათავისუფლების გადაწყვეტილება. საქართველოს ისტორიაში მიხეილ სააკაშვილზე უფრო მსხვილი ფიგურა პოლიტიკურ პატიმრობაში არ ყოფილა“, - აღნიშნა ბექა ბასილაიამ.
ინფორმაციისთვის, ყოფილი პრეზიდენტი მიხეილ სააკაშვილი თბილისში 1-ელ ოქტომბერს დააკავეს.
უკრაინის პრეზიდენტმა ვოლოდიმირ ზელენსკიმ ჟურნალისტებთან განაცხადა, რომ ის საქართველოში დაკავებული მიხეილ სააკაშვილის უკრაინაში დაბრუნებას შეეცდება.
მიხეილ სააკაშვილი ციხიდან პერიოდულად წერილებს აქვეყნებს და მხარდამჭერებს მიმართავს. მის ერთ-ერთ წერილში აღნიშნულია, რომ ის არ წყვეტს შიმშილობას და მან უარი განაცხადა უგონო მდგომარეობაში სამედიცინო ჩარევაზე.
აგრეთვე დაგაინტერესებთ:
✅„მე-14 დღეა შიმშილობს და მდგომარეობა დამძიმებული უნდა იყოს“ - სააკაშვილის პირადი ექიმი
✅„ღირსებად არ მიმაჩნია, ციხეში მყოფი მოშიმშილე ადამიანისათვის ფეხის დაჭერა“ - ნინო ბურჯანაძე (ვიდეო)
