პოლიტიკა

მამუკა მდინარაძე: საქართველოში არ გვყავს პოლიტპატიმრები, გვყავს ადამიანები, რომლებმაც კონკრეტული დანაშაული ჩაიდინეს და დამდგარია შესაბამისი განაჩენი

უმრავლესობის ლიდერი ქართული ოცნების ოფისში 2019
1583689804
დაკოპირებულია

საქართველოს პარლამენტის თავმჯდომარის მოადგილე მამუკა მდინარაძე აცხადებს, რომ საქართველოში არ არიან პლიტპატიმრები. არიან ადამიანები, რომლებმაც კონკრეტული დანაშაული ჩაიდინეს:

„ჩვენ საქართველოში არ გვყავს პოლიტპატიმრები, ჩვენ გვყავს ადამიანები, რომლებმაც ჩაიდინეს დანაშაული და ამისთვის არიან მიცემული სისხლის სამართლის პასუხისგებაში და არის დამდგარი შესაბამისი განაჩენები. ზოგადად, რაც პრინციპში აისახა ამერიკის შეერთებული შტატების საელჩოს განცხადებაში, ამ პრინციპებს აქამდეც ვეთანხმებოდით და ახლაც ვეთანხმებით. ამისი გაყიდვა, რომ ვიღაცა შეთანხმდა იმაზე, რომ ხვალ გაუშვებს პოლიტპატიმარს, რომელიც რეალურად საქართველოში არ არის, ეს არის მორიგი ტყუილი და ასე გაყიდვა სხვა პრინციპის აღიარების, არ არის სწორი. ამაზე არ მგონია რომ კარგი რეაქცია ჰქონდეს ჩვენს საზოგადოებას. როდესაც შეთანხმება ერთ საკითხზე დგება, ამაზე უნდა ისაუბრო და არ უნდა მოატყუო ხალხი. არასწორი ჟივილ-ხივილი არ უნდა ატეხო. ყველას - ოპოზიციასაც, ხელისუფლებასაც და ქართულ საზოგადოებასაც მისალოცი ის აქვს, რომ შეთანხმება შედგა. თუ თქვენ მეკითხებით, ისეთი შეთანხმება შედგა, რომ ვიღაცა გამოუშვებს და თან პოლიტპატიმარს დაარქმევს რომელიღაცა პატიმარს, ეს არის წმინდა წყლის ტყუილი. ესეთი საუბარი არ ყოფილა. ზოგადი პრინციპების აღიარებაა, რომ სასამართლო ზეწოლა არ იქნება და ასე შემდეგ. ბუნებრივია ამას ჩვენ მანამდეც ვამბობდით, ეხლაც ვამბობთ და მომავალშიც გავიმეორებთ, იმიტომ, რომ „ქართული ოცნების“ ხელისუფლება ამ საწყისებზე დგას. აქედან გამომდინარე ხალხის მოტყუება სწორი არ არის“, - განაცხადა მამუკა მდინარაძემ.