პოლიტიკა

მიშელის შეთანხმების მთავარი მიზანი იყო პოლიტიკური შეთანხმების გაფორმება, 100 დღე ველოდეთ ოპოზიციას, რომლებიც აგრძელებდნენ საბოტაჟს და  შეთანხმებას არ აწერდნენ ხელს, ამიტომ გავედით შეთანხმებიდან - ირაკლი ღარიბაშვილი

თავდაცვის მინისტრი
1631910980
დაკოპირებულია

„შარლ მიშელის შეთანხმების მთავარი მიზანი იყო პოლიტიკური შეთანხმების გაფორმება და პოლარიზების შემცირება, 100 დღე ველოდეთ ოპოზიციას, რომლებიც აგრძელებდნენ საბოტაჟს, გვაყენებენ შეურაცხყოფას ჩვენ, პრეზიდენტ მიშელს, ამერიკის მთავრობას და შეთანხმებას არ აწერდნენ ხელს, ამიტომ გავედით შეთანხმებიდან და აღვადგინეთ ჩვენი დარღვეული უფლებები“, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.

მთავრობის მეთაურის თქმით, როცა პრემიერ-მინისტრად დაინიშნა, ქვეყანაში რთული ვითარება იყო, ოპოზიცია პარლამენტში არ შედიოდა, იყო ხელოვნურად შექმნილი კრიზისი, რასაც პანდემია და ეკონომიკური კრიზისი ემატებოდა, ამიტომ წავიდა ხელისუფლება კომპრომისზე და შეთანხმებას ხელი მოაწერა.

პრემიერ-მინისტრმა ასევე აღნიშნა, რომ შეთანხმებაზე ხელმოწერით მმართველმა გუნდმა მოლაპარაკებებში ევროპელი და ამერიკელი მეგობრების ჩართულობას სცა პატივი, თუმცა შეთანხმება არაკონსტიტუციური იყო და მისი ანულირებით ქვეყანა კონსტიტუციურ ჩარჩოებში დაბრუნდა.

„შარლ მიშელის დოკუმენტის ანულირება „ქართული ოცნების“ მხრიდან აბსოლუტურად სწორი ნაბიჯი იყო და აგიხსნით რატომ. თავის დროზე ჩვენ გადავდგით ეს კომპრომისული ნაბიჯი. რა თქმა უნდა, ეს იყო პრაგმატული ნაბიჯი და ნაკარნახევი იყო იმ სულისკვეთებით, რომ ჩვენ გავიზიარეთ ჩვენი პარტნიორების და მათ შორის პრეზიდენტ შარლ მიშელის უშუალო ჩართულობა, მისი ეს მედიაცია და რა თქმა უნდა, მის ამ ჩართულობას და ჩვენი დიდი ამერიკელი მეგობრების ჩართულობას პატივი ვეცით ამით. ასეთ კომპრომისზე წავედით, ციხიდან გამოვუშვით ცნობილი კრიმინალური ისტორიის მქონე რურუა და ასევე კრიმინალი მელია. როგორ შეიძლება, რომ კაცი, პარლამენტში შეჭრისკენ მოუწოდებდეს ხალხს, არბევდეს პოლიციელს, სპეცრაზმს და დღეს იყოს თბილისის მერი. სირცხვილია.

ჩვენ ამ კომპრომისული ნაბიჯების გადადგმით დავადასტურეთ პატივისცემა ჩვენი ამერიკელი და ევროპელი მეგობრების მიმართ და ასევე, ვთქვით, რომ გვინდა დეესკალაცია და პოლარიზებული სიგიჟის დასრულება. მე როცა პრემიერ-მინისტრად დავინიშნე, ძალიან რთული სიტუაცია იყო. როცა მოლაპარაკებებში შევედით, ესენი იყვნენ გარეთ, ოპოზიცია პარლამენტში არ შედიოდა, ამ დროს 9 პარტია უნდა შესულიყო პარლამენტში და იყო ხელოვნურად შექმნილი კრიზისი. ასევე, პანდემია იყო, ეკონომიკა ჩაკეტილი იყო, უბედურება ხდებოდა. ამიტომ წავედით ამ ნაბიჯზე და განვმუხტეთ სიტუაცია. ამ შეთანხმების მთავარი მოტივაცია, მიზანი იყო პოლიტიკური შეთანხმების გაფორმება და პოლარიზების შემცირება. შევიდნენ თუ არა პარლამენტში, იმ წამსვე გააგრძელეს საბოტაჟი და ის კატასტროფული ხელწერა, რაც მათ აქვთ. 100 დღე ველოდეთ, გავაგრძელეთ რეფორმები, უნიკალური საარჩევნო კოდექსი გვაქვს დღეს, მათ შორის დავიწყეთ საკონსტიტუციო რეფორმები, რომელიც რამდენიმე დღის წინ ერთი მოსმენით უკვე მიიღო პარლამენტმა, შეპირება, დათქმა რაც იყო ჩადებული ამ შეთანხმებაში. ყველა ნაბიჯი გადავდგით, 100 დღე ველოდეთ, მაგრამ ესენი აგრძელებენ საბოტაჟს, გვაყენებენ შეურაცხყოფას ჩვენ და ჩვენს მეგობრებს, მათ შორის პრეზიდენტ მიშელს და ამერიკის მთავრობას და არ აწერენ ხელს. 40%-იანი ბარიერი და რაღაცები ჩაწერეს. ეს იყო ანტიკონსტიტუციური.

ჩვენი მთავარი დოკუმენტი და მთავარი კანონი არის კონსტიტუცია და გვინდა, რომ კონსტიტუციურ ჩარჩოებში ვიყოთ. დოკუმენტის ანულირებით ჩვენ დავბრუნდით კონსტიტუციურ ჩარჩოებში. ჩვენ თავმოყვარე ხალხი ვართ. ამ სადისტებს ველოდებოდით 100 დღე, არ მოაწერეს ხელი. ივლისში ბათუმში ჩამოსული იყო პრეზიდენტი მიშელი და ვიცი, რომ ბოლო მოწოდება იყო, მოაწერეთ ხელი. ამათგან იყო იგნორი, რომ რას უნდა მოვაწეროთ, არ მოვაწერთ და არ მოაწერეს ხელი. ამიტომ ჩვენ გავედით შეთანხმებიდან და აღვადგინეთ ჩვენი დარღვეული უფლებებიც და ცალმხრივად გაფორმებულ ხელშეკრულებას გავუკეთეთ ანულირება“,- განაცხადა ირაკლი ღარიბაშვილმა.

ბრიუსელი, ბელგია

ბელგიაში კოვიდშეზღუდვების საპროტესტო აქცია პოლიციასთან შეტაკებაში გადა...

ბელგიაში, ბრიუსელში მოსახლეობის მიერ კოვიდშეზღუდვების გაპროტესტება პოლიციასთან შეტაკებაში გადაიზარდა, - ამის შესახებ Reuters-ი იუწყება. 
მიხეილ სააკაშვილის პირადმა ექიმმა ნიკოლოზ ყიფშიძემ ექსპრეზიდენტის ჯანმრთელობის მდგომარეობის შესახებ ისაუბრა.
1638725637
გადაუდებელი სამუშაოების ჩატარების გამო 6 დეკემბერს თბილისის სხვადასხვა რაიონში ელექტრომომარაგება დროებით შეიზღუდება.
1638736318
„საკრებულოების ფუნქციონირება უმნიშვნელოვანესია, როგორც მუნიციპალიტეტის საკანონმდებლო, ასევე საბიუჯეტო და მერიის შესრულებული მუშაობის მონიტორინგის მიმართულებები. საკრებულო უმნიშვნელოვანეს როლს ასრულებს მუნიციპალიტეტის პოლიტიკურ ცხოვრებაშიც. სამწუხაროა, რომ პოლიტიკურ პარტიებს ვისაც ხალხმა ხმა მისცა ამ პროცესში მონაწილეობისთვის და მუნიციპალიტეტის განვითარებისთვის, აანონსებენ აქციებს და კონსტრუქციულ ვითარებაში ოპონირების ნაცვლად არჩევანს ქუჩაში დესტრუქციულ ქმედებებზე აკეთებენ“, - ამის შესახებ ზუგდიდს საკრებულოს თავმჯდომარის მოადგილე თაზო ფაცაცია სოციალურ ქსელში წერს. 
1638734104
იორდანიის სასამართლომ ჯანდაცვის 5 მაღალჩინოსანს კოვიდინფიცირებული პაციენტების არასწორად მკურნალობის გამო 3 წლით თავისუფლების აღკვეთა მიუსაჯა, - ამის შესახებ Reuters-ი იუწყება. 
1638732621
მცირე ზომის თვითმფრინავი

აშშ-ში მცირე ზომის თვითმფრინავის ჩამოვარდნას 4 ადამიანი ემსხვერპლა

აშშ-ში, კალიფორნიის შტატში მცირე ზომის თვითმფრინავის ჩამოვარდნას 4 ადამიანი ემსხვერპლა, - ამის შესახებ abcnews იუწყება. 
GITA-ს ორგანიზებით ქუთაისში პრეაქსელერაციის პროგრამა დაიწყო
საქართველოს ინოვაციების და ტექნოლოგიების სააგენტოს ორგანიზებითა და  VREX-თან თანამშრომლობით, ქუთაისში  პრეაქსელერაციის პროგრამა, საპილოტე რეგიონების ინტეგრირებული განვითარების პროგრამის ფარგლებში (#სრიგპ) ხორციელდება. დამწყები ნოვატორები გაივლიან სასწავლო კურსს, რომლის  მიზანია რეგიონში მეწარმეობის განვითარების ხელშეწყობა, სტარტაპ იდეების ფორმირება, განვითარება და ახალი სამუშაო ადგილების შექმნა.
პარტნიორობა გენდერული თანასწორობისათვის - FAO-ს, UNDP-ს, UNFPA-ს, და ლ...
გაეროს სურსათისა და სოფლის მეურნეობის ორგანიზაციის (FAO), გაეროს განვითარების პროგრამის (UNDP) და გაეროს მოსახლეობის ფონდის (UNFPA) ერთობლივი ინიციატივით, სოფლად მცხოვრები ქალების ინფორმირებისა და გაძლიერებისათვის, საქართველოს რეგიონებში შეხვედრების ახალი სერია იწყება.
„ჩემი დაცვის ქვეშ მყოფი ბრალს არ აღიარებს“ - არასრულწლოვნის მკვლელობის...
სანზონაში, ლიახვის ქუჩის მიმდებარედ მომხდარი მკვლელობის  ფაქტზე დაკავებულის ადვოკატმა ჟურნალისტებთან ისაუბრა.