„მოსამართლის სათქმელი არის დარბაზში“ - ეკა ბესელია

„მოსამართლის სათქმელი არის დარბაზში“, - ამ სიტყვებით ეხმაურება პარტია „სამართლიანობისთვის“ ლიდერი ეკა ბესელია, მოსამართლე ლაშა ჩხიკვაძის მიერ გავრცელებულ განცხადებას. 

„ეს წერილი არის ფრაგმენტი კამპანიის, რომელიც უგუნურად დაგეგმა მმართველმა პარტიამ. მდაბიო და უგემოვნო ფორმაა. მგონია, რომ მოსამართლის სათქმელი არის დარბაზში, გადაწყვეტილებაში, განაჩენში და აი, ეს ტექსტი მგონია, რომ „ქართულ ოცნებაში“ დაწერილი ტექსტია, რომლითაც მოსამართლე საუბრობს და ეს არის ძალიან დიდი უხერხულობა თავად მოსამართლისთვის“, - აცხადებს პარტია „სამართლიანობისთვის“ ლიდერი ეკა ბესელია.

ცნობისთვის, მოსამართლე ლაშა ჩხიკვაძემ განცხადება გაავრცელა, სადაც აღნიშნულია, რომ „მთავარი“ არხის დირექტორის ნიკა გვარამიას სასამართლო განხილვის შედეგის გამო ზოგიერთი პოლიტიკური ძალა სანქციებით ემუქრება.

ჩხიკვაძე მოუწოდებს პოლიტიკურ პარტიებს, დიპლომატიურ კორპუსს, საერთაშორისო და საქართველოში მოქმედ არასამთავრობო ორგანიზაციებს, თავი შეიკავონ სასამართლოზე ზეწოლისაგან და მოსამართლეებს მიეცეთ საშუალება გადაწყვეტილებები მიიღონ საქართველოს კონსტიტუციის, კანონისა და შინაგანი რწმენის საფუძველზე.

აგრეთვე წაიკითხეთ:

👉 „მოსამართლე ჩხიკვაძე შეუერთდა „ოცნებიდან“ განდგომილ გრაფომანების სამეულს“ - ნიკა გვარამია

👉 არ შეიძლება ასრულებდე უკანონო დავალებებს, ასამარებდე ქვეყანაში დემოკრატიას და გინდოდეს ამერიკისგან სასწავლო ვიზიტების დაფინანსება - დიტო საძაგლიშვილი

👉 აშშ-ის ელჩი ვალდებულია, ასეთ საგანგაშო მიდგომასთან დაკავშირებით, რაზეც საუბრობს მოსამართლე ჩხიკვაძე, გააკეთოს ნათელი განმარტებები, რომ საზოგადოებამ იცოდეს რასთან გვაქვს საქმე - დიმიტრი ხუნდაძე

👉 მივესალმები ზეწოლის თუ ზეწოლის მცდელობის ფაქტების გასაჯაროებას - თეა წულუკიანი

👉 ამ საკითხზე აშშ-ის საელჩოს პოზიცია გვაინტერესებს - გურამ მაჭარაშვილი მოსამართლე ლაშა ჩხიკვაძის განცხადებაზე