პრემიერი: აირზენას დირექტორი ელოდება, რაც უფრო მეტ ფულს გადაუხდიან

"აირზენას დირექტორი ელოდება იმას, რაც უფრო მეტ ფულს გადაუხდიან და სხვას არაფერს",- ასე ეხმაურება საქართველოს პრემიერ-მინისტრი გიორგი გახარია, აირზენას დირექტორის დღევანდელ განცხადებას.

"ჩვენი ამოცანა მარტივია, მაქსიმალურად სწრაფად, ორგანიზებულად ჩვენი მოქალაქეები გამოვიყვანოთ ევროპის და სხვა ქალაქებიდან. რაც შეეხება კონკრეტულ შემთხვევას, არავის დაავიწყდეს რომ არის საგანგებო მდგომარეობა. თუ კომპანიები საგანგებო მდგომარეობის შესაბამისად არ შეასრულებენ ვალდებულებებს, რომლებსაც მათ სახელმწიფო აკისრებს ჩვენი მოქალაქეების ინტერესებიდან გამომდინარე, ამ კომპანიების ხელმძღვანელებს ჯერ დაეკისრებათ ჯარიმა, შემდეგ სისხლის სამართლის პასუხისმგებლობა",- განაცხადა გახარიამ.