„საქართველოში ჩემმა ვიზიტმა, სულ მცირე, თვალი ამიხილა“ - შარლ მიშელი
1614677467
ევროპის საბჭოს პრეზიდენტი შარლ მიშელი საქართველოში ვიზიტის შესახებ სოციალურ ქსელში წერს და აცხადებს, რომ აღნიშნულმა ვიზიტმა „სულ მცირე მას თვალი აუხილა“.
შარლ მიშელი აცხადებს, რომ ადმინისტრაციული სასაზღვრო ხაზის არსებობა „სამხრეთ ოსეთში“ იმის დასტურია, რომ ევროკავშირის ყოფნა ასეთ რეგიონში ზოგჯერ აუცილებელზე მეტია.
ევროპის საბჭოს პრეზიდენტი კვლავ ადასტურებს ევროკავშირის მტკიცე მხარდაჭერას საქართველოს ტერიტორიული მთლიანობის მიმართ.
საქართველოში ჩემმა ვიზიტმა, სულ მცირე, თვალი ამიხილა. ადმინისტრაციული სასაზღვრო ხაზის არსებობა „სამხრეთ ოსეთში“ იმის დასტურია, რომ ევროკავშირის ყოფნა ასეთ რეგიონში ზოგჯერ აუცილებელზე მეტია და სასიცოცხლოდ მნიშვნელოვანია მსგავსი რეგიონებისთვის.
მავთულხლართები ჰყოფს ოჯახებს და ბავშვებს სკოლაში სიარულის საშუალებას არ აძლევს. ეს დაუშვებელია. მე კვლავ ვადასტურებ ევროკავშირის მტკიცე მხარდაჭერას საქართველოს ტერიტორიული მთლიანობის მიმართ. ევროკავშირი და მათ შორის პირადად მეც შეშფოთებული ვართ ქვეყანაში მიმდინარე პოლიტიკური კრიზისითა და პოლარიზაციით“, - განაცხადა შარლ მიშელმა.
რაც შეეხება ხელისუფლებასა და ოპოზიციურ პარტიებს შორის გამართულ შეხვედრას, შარლ მიშელი აცხადებს, რომ თითოეული პოლიტიკური აქტორისგან იგრძნო სურვილი, რომ დიალოგი დაიწყონ.
„ამის მიუხედავად, დღეს მე თითოეული პოლიტიკური აქტორისგან ვიგრძენი სურვილი იმისა, რომ დაიწყონ დიალოგი, წინ გადადგან ნაბიჯი და იპოვონ გამოსავალი შექმნილი რთული ვითარებიდან.
ევროკავშირის პრიორიტეტი ყოველთვის იყო საქართველოს მოქალაქეთა ინტერესების დაცვა და ჩვენ ვაცნობიერებთ რომ ამ მიმართულებით კიდევ გვაქვს სამუშაო. დღეს ამაყი ვარ, რადგან სწორი მიმართულებით მნიშვნელოვანი ნაბიჯი უკვე გადაიდგა. გადავწყვიტე საქართველო-ევროკავშირის ასოცირების საბჭო, ბრიუსელში, მარტის შუა რიცხვებში ჩავატარო. ეს იქნება შეხვედრა, სადაც განვიხილავთ იმ პროგრესს, რომელიც სხვადასხვა რთული საკითხების გადაწყვეტის მხრივ იქნა მიღწეული. დიდი მადლობა საქართველო ასეთი თბილი მიღებისთვის“, - აცხადებს შარლ მიშელი.
ინფორმაციისთვის, შარლ მიშელი ორ დღიანი ვიზიტით საქართველოს 28 თებერვალს ეწვია. შარლ მიშელმა ქვეყანა 2 მარტს დატოვა.
აგრეთვე დაგაინტერესებთ:
