ქედაში "შინ მოვლის" პროგრამის ბენეფიციარები განგაშის სამაჯურებით სარგებლობენ

"შინ მოვლის" პროგრამას ქედის მერია არასამთავრობო ორგანიზაცია "დახმარების ეროვნულ ფონდთან" ერთად ახორციელებს.

ქედის მერიის საზოგადოებასთან ურთიერთობის სამსახურის ინფორმაციით, სერვისით მუნიციპალიტეტში მცხოვრები 12 მარტოხელა ხანდაზმული სარგებლობს.

მათივე ცნობით, განგაშის სამაჯურებით დახმარების აღმოსაჩენად ბენეფიციარი 24 საათის განმავლობაში უკავშირდება როგორც მოხალისეებს, რომელშიც 6 საჯარო მოხელეა გაწევრიანებული, ასევე სოფლის ექთანს და სამაშველო სამსახურს.

"მოხალისეები ტრადიციულად, ბენეფიციარებს პირველადი საჭიროებების მოგვარებაში ეხმარებიან, როგორიცაა აფთიაქებში, სხვადასხვა უწყებებსა და მაღაზიებში გაგზავნა, ინფორმაციის მიწოდება სხვადასხვა სერვისებზე. ასევე ეხმარებიან საოჯახო საქმის მოგვარებაში, გამოყოფილია მათთვის სპეციალურად ხელოსანთა ჯგუფი და უმთავრესი, რითაც მარტოხელა ხანდაზმულებს ეხმარებიან არის ის, რომ მარტო არ აგრძნობინონ თავი", - აცხადებენ მერიაში.

ამ დროისთვის, მოხალისეები საქართველოს წითელი ჯვრის საზოგადოების მიერ მომზადებულ საინფორმაციო მასალას აცნობენ, სადაც ახალი კორონავირუსის შესახებ რეკომენდაციები და ცხელი ხაზია დატანილი.