რეგიონი

მარნეულის მუნიციპალიტეტში ახალი სოციალური სერვისი ამოქმედდა

მარნეულის მუნიციპალიტეტში ახალი სოციალური სერვისი ამოქმედდა
1669132703
დაკოპირებულია

მარნეულში რეგისტრირებულ სპეციალური საჭიროების მქონე პირებისთვის ახალი სოციალური სერვისი ამოქმედდა. პროგრამის ფარგლებში მუნიციპალიტეტში მცხოვრები სპეციალური საჭიროებების მქონე პირები უფასოდ ისარგებლებენ მუნიციპალური ტრანსპორტით.

ბენეფიციარებისთვის აღნიშნული პროგრამის პრეზენტაცია საჯარო ბიბლიოთეკის დარბაზში მარნეულის მუნიციპალიტეტის მერის მოადგილემ თემურ შუბითიძემ გამართა.

ღონისძიებას მარნეულის მუნიციპალიტეტის მერი კენან ომაროვი, საკრებულოს თავმჯდომარე ამირან გიორგაძე მოადგილეებთან ერთად, მუნიციპალიტეტის მერიისა და საკრებულოს სტრუქტურული ერთეულის ხელმძღვანელი პირები ესწრებოდნენ.

აღსანიშნავია, რომ პირველი ეტაპისთვის დამზადებულია 110 ბარათი, პარალელურ რეჟიმში მიმდინარეობს დამატებითი ბარათების დამზადება. სპეციალური საჭიროების მქონდე პირებს ვისაც ჯერ არ მიუღიათ სატრანსპორტო საშვი, შეუძლიათ მიმართონ მუნიციპალიტეტის მერიას.

„სპეციალური საჭიროების მქონე პირებზე ზრუნვა და მათი სოციალურ გარემოში ადაპტირების ხელშეწყობა ჩვენი პირდაპირი მოვალეობაა“, - მარნეულის მუნიციპალიტეტის მერი კენან ომაროვი.