ოზურგეთის ბაღებში 100-მდე ბავშვი მოიწამლა
1603016006
ოზურგეთის მუნიციპალიტეტის საბავშვო ბაღებში 100- მდე ბავშვი მოიწამლა. ამის შესახებ ინფორმაციას რეგიონული მედია ავრცელებს.
ბავშვების მოწამვლის ფაქტს ბაღების გაერთიანების ხელმძღვანელი მაკა ჭყონია ადასტურებს. მისივე განცხადებით, სააღმზრდელო პროცესი ოზურგეთის ბაღებში 15 ოქტომბერს განახლდა. მეორე დღეს კი ბავშვებში მოწამლის სიმპტომები - მაღალი სიცხე, დიარეა და ღებინება აღენიშნა.
ბავშვების მოწამვლის ფაქტები ოზურგეთის მასშტაბით 11 ბაღში დაფიქსირდა.
გავრცელებული ინფორმაციით, ბავშვების ინტოქსიკაცია საკვებმა გამოიწვია.
ადგილზე სიტუაციას ეპიდემიოლებთან ერთად, სურსათის უვნებლობის სამსახურიც იკვლევს.
