სოფელ ქედქედში საფრთხის შემცველ მონაკვეთებზე ქვათაცვენის საწინააღმდეგო ღონისძიებები გაატარეს

აჭარის საავტომობილო გზების დეპარტამენტის წარმომადგენლებმა სოფელ ქედქედში საფრთხის შემცველ მონაკვეთებზე ქვათაცვენის საწინააღმდეგო ღონისძიებები გაატარეს.

ინფორმაციას აჭარის საავტომობილო გზების დეპარტამენტი ავრცელებს.

მათივე ცნობით, განხორციელდა კლდის ლოდების აფეთქება-ჩამოშლა და ჩამონაშალისგან გაწმენდითი სამუშაოები. 

აღნიშნულ ტერიტორიაზე მოსახლეობას ქვათაცვენასთან დაკავშირებით დისკომფორტი ხშირად ექმნება.

დეპარტამენტი გაწმენდით სამუშაოებს საჭიროების შესაბამისი ინტენსივობით ატარებს.