თელავის საკარანტინო ზონაში პარიზიდან დაბრუნებულ 45 ადამიანს აკვირდებიან

კახეთში, თელავის საკარანტინე ზონაში პარიზიდან დაბრუნებულ 45 ადამიანზე დაკვირვება მიმდინარეობს.

მოქალაქეები სასტუმროს ტიპის შენობაში არიან მოთავსებული.

ექიმების ინფორმაციით, საფრანგეთიდან დაბრუნებული საქართველოს მოქალაქეები თავს ჯანმრთელად გრძნობენ. ბოლო მონაცემებით, კახეთში 100-მდე ადამიანია თვითიზოლაციაში.

ცნობისთვის, მსოფლიოში კორონავირუსით დაინფიცირებულთა რაოდენობა 167 293 ადამიანს შეადგენს, დაღუპულია 6 455, ხოლო 76 588 პაციენტი გამოჯანმრთლდა.

საქართველოში კორონავირუსის 33 დადასტურებული შემთხვევა გამოვლინდა.