რეგიონი

ზუგდიდის ინფექციურ საავადმყოფოში ბოქსირებული პალატები დაემატა

ზუგდიდის ინფექციური საავადმყოფო
1584708587
დაკოპირებულია

ზუგდიდის ინფექციურ საავადმყოფოში ორ ბოქსირებულ პალატას ახლებიც დაემატა.

საავადმყოფოს დირექტორის ნოდარ ჩიქოვანის ინფორმაციით, პალატების სრულად აღჭურვის პროცესი დღეს დასრულდა.

ამ დროისთვის არსებული მონაცემებით, სამეგრელო-ზემო სვანეთში 224 ადამიანი თვითიზოლაციაში იმყოფება, 21 კი საკარანტინო ზონაშია მოთავსებული.

კორონავირუსის გავრცელების პრევენციის მიზნით, რეგიონში უკვე დაიხურა სპორტული დარბაზები, კაფე-რესტორნები, სილამაზის სალონები, ელექტროტექნიკის მაღაზიები და სხვა ობიექტები.

გარდა ამისა, მრავალბინიანი საცხოვრებელი სახლების სადარბაზოებს სადეზინფექციო სამუშაოები უტარდება. ყოველდღიურად მუშავდება საზოგადოებრივი ტრანსპორტიც.

შეგახსენებთ, რომ საქართველოში კორონავირუსით ინფიცირებულთა რიცხვი 43-მდე გაიზარდა, საკარანტინო ზონებში 1925 ადამიანი იმყოფება, ხოლო ექიმები კლინიკებში 271 პაციენტს აკვირდებიან.