საქართველოს პროკურატურაში საკადრო ცვლილებები განხორციელდა

საქართველოს პროკურატურის ინფორმაციით, უწყებაში საკადრო ცვლილებები განხორციელდა.

„თბილისის პროკურორად ლევან გეგეჭკორი დაინიშნა, აჭარის ავტონომიური რესპუბლიკის პროკურორად - ზაზა მეტონიძე, სამცხე-ჯავახეთის საოლქო პროკურორად - მალხაზ გეწაძე, ხოლო ქვემო ქართლის საოლქო პროკურორად - შოთა კვაჭანტირაძე. აღნიშნულ პირებს საქართველოს პროკურატურაში სხვადასხვა პოზიციები ეკავათ.

საქართველოს პროკურატურაში განხორციელებული საკადრო ცვლილებები მიმართულია სისტემის ეფექტიანობის კიდევ უფრო ამაღლებისა და განვითარებისკენ“, - ნათქვამია პროკურატურის განცხადებაში.