სამართალი

უკრაინიდან საქართველოში მეგის ქარდავას ექსტრადირება განხორციელდა

მეგის ქარდავას ექსტრადირება
1631883112
დაკოპირებულია

უკრაინიდან საქართველოში დღეს თავდაცვის სამინისტროს სამხედრო პოლიციის დეპარტამენტის ყოფილი უფროსის მეგის ქარდავა ექსტრადირება განხორციელდა.

თვითმფრინავი, რომლითაც მეგის ქარდავა ჩამოიყვანეს, უკვე დაეშვა თბილისის საერთაშორისო აეროპორტში.
ქარდავა უკრაინაში 11 სექტემბერს დააკავეს.

ინფორმაციისთვის, ქარდავამ საქართველო 2012 წელს ხელისუფლების ცვლილების შემდეგ დატოვა. ქარდავას სისხლის სამართლის 11 საქმეზე წარედგინა ბრალდება. ამასთან, სასამართლომ 5 საქმეზე ქარდავას მიმართ გამამტყუნებელი განაჩენი გამოიტანა.

საქართველოს მესამე პრეზიდენტმა მიხეილ სააკაშვილმა ქარდავა სხვადასხვა თანამდებობაზე მუშაობის დროს ორჯერ დააჯილდოვა.