პროტესტის ნიშნად, 4 ტელეკომპანია მაუწყებლობას 24 საათით წყვეტს

გადადგეს ირაკლი ღარიბაშვილი! დაისაჯოს ყველა მოძალადე! - პროტესტის ნიშნად, ოთხი ტელეკომპანია, მაუწყებლობას 24 საათით წყვეტს.

კერძოდ, დღეს აღარ მაუწყებლობენ: „ტელეკომპანია პირველი“, „მთავარი არხი“, „ფორმულა“ და „კავკასია“.

მანამდე კი, რეგიონული არხების წარმომადგენლებმა ეთერი გუშინ, 13 ივლისს, 15:00 საათზე, ლექსო ლაშქარავას დაკრძალვის დროს 10 წუთით გათიშეს.

ოთხივე აღნიშნული ტელეკომპანიის ეკრანებზე მხოლოდ შავი ფონია გამოსახული, რომელზეც თეთრი ასოებით წერია იმ ჟურნალისტებისა და ოპერატორების სახელები და გვარები, რომლებიც 5 ივლისის მოვლენებისას დაშავდნენ.

შეგახსენებთ, რომ 5-6 ივლისს თბილისში რადიკალური ჯგუფების წარმომადგენლები, რომლებიც „თბილისი პრაიდის“ კონტრაქციას მართავდნენ, არასამთავრობო ორგანიზაციების წევრებსა და ჟურნალისტებს ფიზიკურად გაუსწორდნენ.

11 ივლისს, გამთენიისას ტელეკომპანია „პირველის“ ოპერატორი ლექსო ლაშქარავა, რომელსაც 5 ივლისს ფიზიკურად გაუსწორდნენ, დედამ საწოლში გარდაცვლილი იპოვა.

აგრეთვე წაიკითხეთ:

👉 „არ ჭამოთ ეს პრიმიტიული მესიჯბოქსი“

👉 ლექსო ლაშქარავას ცემის ფაქტზე დათო კუტალაძე დააკავეს

👉 „რატომ გაქრა სახელმწიფო? რატომ არ ჰქონდათ 5 ივლისს სახელმწიფო?“